ئیسپانیا پێشوازی لە ڕێککەوتنی ئاگربەستی حەلەب دەکات

ئاڤا نیوز

حکومەتی ئیسپانیا پێشوازی لە گەیشتن بە ڕێککەوتنی ئاگربەست بۆ کۆتاییهێنان بە شەڕ و پێکدادانەکانی شاری حەلەب دەکات.

ڕاگەیێنراوی فەرمی: لە ڕاگەیێنراوێکدا حکومەتی ئیسپانیا داوا لە هەردوولا دەکات پابەندی تەواوی ناوەڕۆکی ئاگربەستەکە بن و گفتوگۆکان دەست پێ بکەنەوە بە مەبەستی جێبەجێکردنی ئەو ڕێککەوتنەی کە لە 10ـی ئاداری ساڵی ڕابردوو لەسەری ڕێککەوتبوون.

لە بەشێکی تری ڕاگەیێنراوەکەدا، ئیسپانیا دووپاتی کردەوە، بەردەوام دەبێت لە پاڵپشتیکردنی گەلی سووریا بۆ بەدیهێنانی پرۆسەیەکی گواستنەوەی سیاسی ئاشتییانە و گشتگیر، بە شێوەیەک کە ڕێز لە یەکپارچەیی خاک و سەروەری و یەکێتی سووریا بگرێت.