هەسەدە: هێزەکانی سەر بە تورکیا بەنداوی تشرین تۆپباران دەکەن

ئاڤا نیوز

ناوەندی ڕاگەیاندنی هێزەکانی سووریای دیموکرات (هەسەدە) درەنگانی شەوی ڕابردوو ڕایگەیاند، گرووپە چەکدارەکانی نزیک لە تورکیا بە چڕی بەنداوی بەنداوی تشرینیان تۆپباران کردووە و فڕۆکەی جەنگی و درۆنی خۆکوژ لە ئاسمانی بەنداوەکەدا سووڕاونەتەوە.

ڕاگەیێنراوی فەرمی: لە ڕاگەیێنراوێکدا هێزەکانی سووریای دیموکرات دەڵێت، بەوردی چاودێریی جووڵەکان دەکەن و لە ئامادەباشیدان بۆ بەرپەرچدانەوەی هەر ئەگەرێکی پەرەسەندنی سەربازی لە دەوروبەری ئەم دامەزراوە ستراتیژییەدا.

هەسەدە هۆشداری دەدات و دەڵێت، بەردەوامیی ئەم جۆرە جووڵە ئاسمانی و زەمینییانە، بازنەی شەڕ و ململانێکان فراوانتر دەکەن و کاریگەریی نەرێنی لەسەر ژیانی مەدەنییەکان لەو ناوچانەدا دەبێت و بووەتە هۆی تێکچوونی ئارامیی ناوچەکە و دروستبوونی دڵەڕاوکێ لای دانیشتووان.