وادەی زیندانیکردنی شاسوار عەبدولواحید کۆتایی دێت

ئاڤا نیوز

ئەمڕۆ شاسوار عەبدولواحید، سەرۆکی جووڵانەوەی نەوەی نوێ ماوەی یاسایی مانەوەی لە زیندان کۆتایی دێت بێت، بۆ ئەو مەبەستە پارێزەرەکەی؛ سەرجەم مامەڵەکان و ڕێکارەکانی ئازادکردنی تەواوکردووە، بەڵام بەپێی بەدواداچوونی ئاڤا، شاسوار عەبدولواحید کۆمەڵێک دۆسیەی دیکەی لەسەر ماوە و ئازاد ناکرێت.

چیرۆکی سەرەکی: دوای پێنج مانگ لە زیندانیکردنی، ئەمڕۆ دووشەممە وادەی کۆتایی زیندانییەکەی شاسوار عەبدولواحەد، سەرۆکی جووڵانەوەی نەوەی نوێ کۆتایی دێت، بەڵام بەپێی  بەدواداچوونەکانی ئاڤا، ئەمڕۆ ئازاد ناکرێت.

بەدواداچوونی ئاڤا: شاسوار عەبدولواحید کۆمەڵێک دۆسیەی دیکەی لەسەر ماوە و ئازاد ناکرێت، لەسەر ئەو دۆسیانە دادگایی دەکرێت. لەماوەی ڕابردوودا لە دادگای سلێمانی چەندین سکاڵای دیکەی لەسەر تۆمارکراون و تا ئێستا یەکلایی نەکراونەتەوە.

باکگراوند: شاسوار عەبدولواحید، سەرۆکی جووڵانەوەی نەوەی نوێ لە 12ـی مانگی ئابی ساڵی ڕابردوو دەستگیر کراوە، لەسەر سکاڵایەک بە پێی ماددەی دووی یاسای خراپ بەکارهێنانی ئامێرەکانی پەیوەندی پێنج مانگ زیندانی بەسەردا سەپێنراوە و ئەو ماوەیەی تەواو کردووە. هاوکات نزیکەی 80 سکاڵای تریشی لەسەر تۆمار کراوە.