نازێ عەزیزی خاوەنی گۆرانی دیلان: دەبێت هەموومان پشتگیریی یەکتر بکەین

 

 

خانمە هونەرمەندی کورد نازێ عەزیزی خاوەنی گۆرانی بەناوبانگ 'دیلان' میوانی پێشکەشکاریی ئاڤا میدیا سورەیا هەساری بوو کە چەند رۆژێکە ئەو گۆرانیە لە گەشتی هەواڵەکانی سورەیا بۆ ڕووماڵ و هاوخەمی کوردانی حەلەب بووەتە ترێند. 

 

 

چیرۆکی سەرەکی: ناوەرۆک و تێکستی گۆرانیی 'دیلان' کە ئاماژە بە ستەمەکانی دوژمنانی کورد، گیانی ئاشتیانەی و تەبایی کورد دەردەخات، هێندەی دیکە سۆزی کوردانی دڵسۆزی هەژاند، بە تایبەت دوای هێرشەکانی سوپای عەرەبی سووریا بۆ سەر هەردوو گەڕەکی کوردنیشنی حەلەب (ئەشرەفییە و شێخ مەقسوود). 

 

 

 

لێدوانی فەرمی: خانمە هونەرمەندی کورد نازێ عەزیزی بە ئاڤای وت: "گۆرانی دیلان، لە ڕێگای ئاڤا بووە ترێند، بۆیە سوپاسی ئاڤا میدیا دەکەم، من تەنیا گۆرانیبێژم نیم بەڵکو هەمیشە چاودێری دۆخی سیاسیی دەکەم، باوکم 59 ساڵە پێشمەرگە بووە بۆیە هەمیشە حەزمکردووە گۆرانییەکانم زیاتر نەتەوەیی بێت."

 

 

٠ دەبێت بە هەموو منداڵێکی کورد بڵێن تۆ پێشمەرگە و شەڕڤانیت.

 

٠ هەموومان بەیەکەوە جوانین، زۆریش خەمبارم ئەوەی بەسەر کوردانی رۆژئاوادا هاتووە. 

 

٠ ئێمە وەکو  کورد دەبێت هەموومان پشتگیریی یەکتر بکەین و یەکگرتووبین لە ناوخۆماندا.

 

 

زانیاریی زیاتر: هێرشکردنەسەر کوردانی ئەشرەفییە و شێخ مەقسوود لە حەلەب، بینینی دیمەنی ناخهەژێنی ناو ئەو دوو گەڕەکە،  ئاوارەبوونی بە هەزاران ژن و منداڵ، لە هەمان کات پشتگیریکردنی ڕاستەوخۆی بەشێک لە کەناڵە عەرەبییەکان بۆ ئەم ستەمکردنە، ئەمانە هۆکاری ئەوەبوون ئاڤا میدیا بڕیار بدات لە ڕووماڵکردندا نەگەڕێتەوە بۆ بنەمای بێلایەنی کارکردنی میدیا، بەڵکو وەک ئەرکێکی نەتەوەیی ببێتە پشتیوان بۆ کوردانی ستەملێکراو لە حەلەب.

 

 

ئەوەی پێویستە بیزانیت: لە کاتی ڕووماڵکردنەکانی ئاڤا میدیا، گواستنەوەی هەوڵ و گفتوگۆکردن لەگەڵ ئەو میوانانەی هەڵوێستیان دژە کوردبوون، بەرگریکردنەکانی پێشکەشکار سورەیا هەساری، وەک ئەستێرەیەکی میدیایی لە هەر چوار پارچەی کوردستان دەنگدانەوەیەکی زۆری لەنێو سۆشیال میدیا دروست کرد.