قاڵیباف بۆ ترەمپ: وانەیەکی لەبیرنەکراوت فێر دەکەین

ئاڤا نیوز

دوای دوو هەفتە لە خۆپیشاندانی فراوان و خوێناوی، دۆخی ناوخۆی ئێران بەرەو ئارامبوونەوەیەکی ڕێژەیی دەچێت؛ حکومەتیش لە ڕێگەی ڕێکخستنی خۆپیشاندانی ملیۆنیی لایەنگرانی، پەیامی "مانەوە و بەرەنگاربوونەوە" بۆ واشنتن دەنێرێت.

وێنە گەورەکە: ئێستا تاران دەیەوێت لە ڕێگەی "خۆپیشاندانی پێچەوانە" و سنووردارکردنی ئینتەرنێت، جڵەوی شەقام بگرێتەوە دەست و شکۆی سیاسیی خۆی لەبەردەم هەڕەشەکانی ئیدارەی ترەمپدا بپارێزێت.

لێدوانی فەرمی: محەممەد باقر قاڵیباف: "ئێران وانەیەکی لەبیرنەکراو بە ئەمریکا دەدات و سەرکردە تاوانکارەکان بۆ هەمیشە ئاقڵ دەکەین."

٠ ئەحمەد ڕەزا ڕادانیش گوتی: "کاتێکی زۆری دەوێت تاوەکو ئەمریکا بتوانێت ئەو هێرش و لێدانەی پێشوومان هەزم بکات؛ ئەگەر بێنە پێشەوە، لە خزمەتیانداین."

لەلایەکی دیکەوە: ڕۆژی ڕابردوو کارۆلین لیڤیت، وتەبێژی کۆشکی سپی، جەختی کردەوە کە "دیپلۆماسی بژاردەی یەکەمە"، بەڵام ترەمپ بیر لە بژاردەی سەربازییش دەکاتەوە.