وەزارەتی خوێندنی باڵا: قوتابییانی کورد لە ئێران ئازادن لە گەڕانەوەیان بۆ هەرێمی کوردستان

 

 

بەمەبەستی خوێندن و بەدەستهێنانی بڕوانامە ژمارەیەکی زۆری قوتابیانی کورد لە ئێران نیشتەجێن و لە چەندین زانکۆ  ئەو وڵاتە دەخوێنن، خۆپیشاندان و ئاڵوزییەکانی ناوخۆیی ئەو وڵاتەش دڵەڕاوکێ خستووەتە ناو کەسوکاری ئەو قوتابییانە و وەزارەتی خوێندنی باڵای حکومەتی هەرێمی کوردستانیش قوتابیان سەرپشک دەکات.

 

لێدوانی فەرمی: د.یاسین ساڵح، بەرێوەبەری گشتیی نێردراوان و پەیوەندییە ڕۆشنبیرییەکان لە وەزارەتی خوێندنی باڵا، بە ئاڤای گوت: "وەزارەتی خوێندنی باڵای حکومەتی هەرێمی کوردستان قوتابییانی کوردی لەوشارانەی ئێران کە گرژی و خۆپیشاندان تێدایە، ئازادی کردوون بگەڕێنەوە هەرێمی کوردستان چونکە سەلامەتی گیانی قوتابیان لە هەموو شتێک گرنگترە."

 

د.یاسین ساڵح، دەڵێت: "سەیری بارودۆخەکە دەکەین و لە ئەگەری درێژە کیشانی دۆخی خۆپیشاندانەکانی ئێران بڕیارێکی نوێی دەدەین و لەدوای ئەو بڕیارەوە کاتی گەڕانەوەی قوتابییان بۆ ماوەی مانەوەی ساڵی خوێندن بۆ قوتابییەکان هەژمار دەکەین، ئاماژەشی بەوەکرد خۆشبەختانە تا ئیستا ڕفاندن، ونبوون، بریندار و کوشتن لەناو قوتابییەکی کورد نەبووە و سەلامەتن"

 

ئەوەی پێویستە بیزانیت: ساڵانە ژمارەیەکی زۆر لە قوتابییانی هەرێمی کوردستان بەمەبەستی خوێندن، ڕوو دەکەنە شارە جیاوازەکانی ئێران ئەمساڵ نزیکەی نزیکەی دوو هەزار قوتابی کورد لە زانکۆیەکانی ئێران دەخوێنن.