پەرلەمانتارێک هێرشی تووند دەکاتە سەر تەیف سامی: "خەزێنەی دەوڵەتی بەتاڵ کردووە"

ئاڤا نیوز

محەممەد مەیاحی، پەرلەمانتاری عێراق، تەیف سامی، وەزیری دارایی بە "شکستخواردوو" ناوبرد و تۆمەتباری کرد بەوەی لە ڕێگەی بڕیاری هەڵە و تەخشان و پەخشانکردنی پارەی گشتی لەسەر بنەمای "پەیوەندیی تایبەت"، بودجەی وڵاتی بەتاڵ کردووە.

وێنە گەورەکە: عێراق لەبەردەم فشارێکی دارایی قورسدایە و کورتهێنان لە بودجەدا هەڕەشە لە مووچە و پڕۆژەکان دەکات، داهاتووی دارایی وڵاتیش بەهۆی قەرزەکان و دابەزینی داهاتەوە لە تەمومژێکی قووڵدایە.

چیرۆکی سەرەکی: محەممەد مەیاحی لە پلاتفۆرمی "ئێکس" چەند تۆمەتێکی قورسی ئاراستەی وەزیر کرد و وەزیری دارایی تۆمەتبار دەکرێت بەوەی خەزێنەی دەوڵەتی بۆ مەرامی تایبەت بەکارهێناوە. گوتوشیەتی هەرکەسێک داتاکانی وەزیر لەبارەی قەبارەی قەرزەکان و دۆخی دارایی ببیستێت، تووشی شۆک دەبێت.

لێدوانی فەرمی: محەممەد مەیاحی، ئەندامی پەرلەمانی عێراق:"وەزیری دارایی خۆی بناغەی کێشەکەیە؛ لەسەر بنەمای پەیوەندیی تایبەت پارەی گشتیی تەخشان و پەخشان کردووە. بەم زووانە ڕووبەڕووی لێپرسینەوەی یاسایی دەبێتەوە و ناتوانێت خۆی بێتاوان نیشان بدات."