هونەرمەندێکی کورد لە شەڕ و ئاڵۆزییەکانی حەلەب شەهید بوو

ئاڤا نیوز

بەهۆی هێرشەکانی سوپای عەرەبیی سووریا بۆ سەر گەڕەکەکانی شێخ مەقسوود و ئەشرەفییە لە حەلەب، هونەرمەند محەممەد حەبیب شەهید بوو.

چیرۆکی سەرەکی: دوای کۆنتڕۆڵکردنی گەڕەکە کوردییەکانی شێخ مەقسوود و ئەشرەفییە لە حەلەب لەلایەن سوپای سووریا و گرووپە چەکدارەکانەوە، سوپای سووریا دەستی بە ڕەشبگیری کردووە و سەدان هاووڵاتیی کورد بێسەروشوێن بوون؛ جگە لەمەش، سووکایەتی بە تەرمی شەڕڤانان و ئەو کەسانە کراوە کە گیانیان لەدەست داوە.

بڵاوکراوەی فەرمی: میدیاکان لە ڕۆژئاوای کوردستان بڵاویان کردووەتەوە، لە بۆردوومانەکەی ڕۆژی شەممە 10-01-2026، هونەرمەند محەممەد عەلی حەسەن حەبیب لە گەڕەکی شێخ مەقسوود شەهید بووە.

زانیاریی زیاتر: میدیاکان ئەوەشیان ئاماژە پێ کردووە، ڕۆژێک دواتر (یەکشەممە 11-01-2026)، سوپای عەرەبیی سووریا، قاسم محەممەد حەبیب، کوڕی ئەو هونەرمەندە و زاوایەکیان بە ناوی ڕەمەزان حەسکۆ ڕفاندووە؛ تاوەکو ئێستا چارەنووسیان نادیارە.