دەسەڵاتدارانی مالیزیا و ئیندۆنێزیا بەکارهێنانی 'گڕۆک' ڕادەگرن

 

 

گڕۆک چات بۆتێکی دەستکردە و پەیوەندی هەیە بە پلاتفۆڕمی سۆشیال میدیای ئێکس-ی ئیلۆن ماسکەوە، بەهۆی نیگەرانیی زۆرەوە لە دروستکردنی وێنەی دیپ فەیکی و وروژێنەری سێکسی، وڵاتانی مالیزیا و ئیندۆنێزیا بڕیارییان داوە ئەو چات بۆتە ڕابگرن. 

 

 

چیرۆکی سەرەکی: دەسەڵاتدارانی مالیزیا و ئیندۆنێزیا، ڕایانگەیاندووە، 'گڕۆک' خراپ بەکاردەهێنرێت و بۆ دروستکردنی وێنەی دەستکاریکراوی کەسانی ڕاستەقینە، بەبێ ڕەزامەندیی خەڵک و بەتایبەتی خانمان، ئەمەش زەنگێکی مەترسیدارە بۆ مافەکانی مرۆڤ و سەلامەتی بەکارهێنانی خەڵک لە ڕێگای ئۆنلاینە دەخستە مەترسییەوە.

 

 

بڵاوکراوەی فەرمی: کۆمیسیۆنی پەیوەندی و میدیای مالیزیا دەڵێت: "پێشتر ئێکس-یان ئاگادارکردووەتەوە لەبارەی دووبارە بەکارهێنانی خراپی گڕۆک و داوای پاراستنی توندتریان کردووە، بەڵام پلاتفۆرمەکە سەرکەوتوو نەبووە لە چارەسەرکردنی مەترسییە سەرەکییەکان بۆیە گڕۆک بە ڕاگیراو دەمێنێتەوە تا ئەو کاتەی ڕێوشوێنەکان باشتر دەدۆزنەوە."

 

 

لەلایەکی دیکەوە: وەزیری پەیوەندییەکان و کاروباریی دیجیتاڵی ئیندۆنێزیا، میوتیا حەفید، دەڵێت: "خراپ بەکارهێنانی ئامرازی Ai وەک پێشێلکردنی کەرامەتی مرۆڤ و سەلامەتی ئۆنلاینە، وەزارەتەکە بە فەرمی داوای ڕوونکردنەوەی لە ئێکس کردووە سەبارەت بە کارکردنی گڕۆک."

 

 

زانیاریی زیاتر: گڕۆک ڕێگە بە بەکارهێنەران دەدات وێنە دروست بکەن و دەستکاریی بکەن لە ڕێگەی ڕستەی نووسینەوە (پرۆمپت). ڕێکخەرەکان دەڵێن: "ئەم ئامرازە بە شێوەیەکی بەرچاو بەکاردەهێنرێت بۆ گۆڕینی وێنەی کەسانی ڕاستەقینە و دانانیان لە دۆخی وروژێنەر یان سێکسی."