حیزبوڵڵای عێراق بۆ ئەمریکا: هەر هێرشێک بۆ سەر ئێران بەرژەوەندییەکانتان بە ئامانج دەگیرێت

ئاڤا نیوز

 

کەتیبەکانی حیزبوڵڵای عێراق هۆشداری توند دەداتە ئەمریکا و دەڵێت، "هەر هێرشێک بۆ سەر ئێران بەرژەوەندییەکانتان دەکاتە ئامانج، تەواوی "بەرەی مقاوەمە"ش لەم ڕووبەڕووبوونەوەیەدا بەرگری لە تاران دەکەن".

 

چیرۆکی سەرەکی: هەڕەشەکانی ئەمریکا بۆ هێرشکردە سەر ئێران تا دێت فراوانتر دەبێت و و ڕۆژانە هەواڵ و زانیاریی جیاجیا لەوبارەیەوە بڵاو دەکرێنەوە، هەر بۆیە ئەو گرووپە چەکدارانەی شیعە کە لە عێراقدا چالاکن و نایشارنەوە گوێڕایەڵی ڕێنمایی و فەتواکانی ڕابەری باڵای شۆڕشی ئیسلامی ئێرانن، دروستبوونی هەر مەترسییەک لەسەر ئێران بە هەڕەشە لەسەر خۆیان دەبینن و پێدەچێت کاردانەوەیان هەبێت.

 

لێدوانی فەرمی: ئەبو حوسێن حەمیداوی، ئەمینداری گشتی کەتیبەکانی جیزبوڵڵای عێراق لە بەیاننامەیەکدا ڕایگەیاند: پاراستنی ئێران ئەرکێکی شەرعی و ئەخلاقییە و بەمانای "پاراستنی پیرۆزییەکانی ئوممە" دێت.

 

هۆشداریی زیاتر: حەمیداوی هۆشداری بە واشنتۆن دەدات و دەڵێت: شەڕ دژی ئێران ئاگرێکە ئەگەر هەڵگیرسا، بەرژەوەندییەکانتان دەسووتێنێت و ئاماژەی بەوەش کرد ئەمریکا لە بەرانبەر هەر سەرکێشییەکدا باجێکی قورس و دووقات دەداتەوە.

 

زانیاری زیاتر: لە بەشێکی دیکەی بەیاننامەکەدا، ئەمینداری کەتیبەکانی حیزبوڵڵا داوای لە هێزەکانی "بەرەی مقاوەمە" کرد کە پاشەکشە لەهەڵوێستییان نەکەن و نەکەونە ژێر کاریگەری دەنگی خیانەتکار و پاڵپشتیی خۆیان بۆ دەسەڵاتدارانی ئێران دووپات بکەنەوە.