ئەحمەد شەرع سەردانی ئەڵمانیا دەکات

ئاڤا نیوز

 

میدیای ئەڵمانیا بڵاوی کردەوە ئەحمەد شەرع، سەرۆکی کاتیی سووریا سەردانی بەرلین دەکات و چەند دۆسیەیەک لەگەڵ بەرپرسانی ئەڵمانیا تاوتوێ دەکات، گرنگترینیان گەڕاندنەوەی پەنابەرانە لە ئەڵمانیاوە بۆ سووریا.

 

بۆچی گرنگە: ئەڵمانیا دەیەوێت ئەو کۆچبەرانەی ئیقامەیان پێ نەدراوە بیانگەڕێنێتەوە سووریا، دەڵێ شەڕ کۆتاییهاتووە و هیچ هۆکارێک نەماوە بۆ پێدانی ئیقامە بە سوورییەکان، هەروەها حکومەتی ئەڵمانیا لەلایەن حیزبە چەپەکان فشارێکی زۆری لەسەرە بۆ ئەوەی چیتر ئیقامە و کار بە کۆچبەران نەدات.

بڵاوکراوەی فەرمی: ڕۆژنامەی بیڵدی ئەڵمانی بڵاوی کردەوە، ئەحمەد شەرع سەرۆکی سووریا ڕۆژی دووشەممەی داهاتوو (19-1-2026)، سەردانی بەرلین دەکات.

 

ئەمەش بزانە: نزیکەی 950 هەزار هاووڵاتی سووری لە ئەڵمانیا دەژین و زۆربەشیان ئیقامەیان هەیە.

 

هۆکارە زانراوەکان: بەگوێرەی میدیای ئەڵمانیا، شەرع پەیوەندییەکانی نێوان دیمەشق و بەرلین و دۆسییە مرۆیی و ئابوورییەکان  و گەڕانەوەی پەنابەران لە ئەڵمانیاوە بۆ سووریا لەگەڵ بەرپرسانی باڵای ئەڵمانیا تاوتوێ دەکات.

 

گۆشەیەکی دیکەی دیمەنەکە: ئەم سەردانە لەکاتێکدایە گرژییەکانی نێوان سوپای عەرەبی سووریا و هێزەکانی سووریای دیموکرات لە شاری حەلەبەوە بۆ شارۆچکەکانی ڕۆژهەڵاتی پارێزگاکە چڕبووەتەوە.