ئێران دەستی بەسەر ژمارەیەک ئامێری ستارلینک گرت

ئاڤا نیوز

 

حکومەتی ئێران دەستی بەسەر ژمارەیەک ئامێری ستارلینک گرت کە تایبەتە بە دابینکردنی ئینتەرنێت لەڕێگەی مانگە دەستکردەکانەوە.

 

وێنە گەورەکە: دوای دەستپێکردنی خۆپیشاندانەکانی ئێران، دەسەڵاتدارانی ئەو وڵاتە هێڵەکانی ئینتەرنێتیان لە سەرتاسەری ئێران ڕاگرت ئەمەش وەک هەوڵێک بۆ کۆنترۆڵ کردن و دامرکاندنەوەی ناڕەزاییەتییەکان.

 

ڕاگەیێنراوی فەرمی: وەزارەتی ئیتڵاعاتی ئێران دەڵێت: دەستیان بەسەر بارێکی گەورەی ئامێری پێشکەوتووی سیخوڕیدا گرتووە، لە وڵاتێکی ناوچەکەوە بە قاچاخ ڕەوانەی ناوخۆی ئێران کرابوو.

 

ئەمەش بزانە: ستارلینک ئامێرێکی ئینتەرنێتە و هی ئیلۆن مەسک، دەوڵەمەندترین پیاوی جیهانە، ڕاستەوخۆ لەگەڵ مانگی دەستکرد ئینتەرنێت دابین دەکات و حکومەت ناتوانیت کۆنترۆڵی بکات و دای بخات یان سنوورداری بکات.

- بەگوێرەی ئیتڵاعات ئەم بارە پێکهاتووە لە کۆمەڵێک ئامێری پەیوەندیکردنی قەدەغەکراو کە بۆ مەبەستی "تێکدانی ئاسایشی نیشتمانی" ڕەوانە کراون.

زانیاریی زیاتر: حکومەتی ئێران لە مانگی شەشی ساڵی 2025ـەوە، یاسایەکی توندی پەسەند کردووە کە تێیدا هەبوونی ئامێری ستارلینکی وەک تاوانی سیخوڕی داناوە.