لە پارێزگای هەولێر سەدان فەرمانبەر زەوییان پێدەدرێت

ئاڤا نیوز

له‌ سنووری به‌ڕێوه‌به‌رایه‌تیی گشتیی شاره‌وانییه‌كانی هه‌ولێر تا ئێستا نزیکەی 31 هەزار پارچە زەوی بەسەر فەرمانبەران و پێشمەرگە و خانەنشینان دابەشکراون، ئەمڕۆش 750 پارچە زەوی دیکە لەو سنوورە دابەش دەکرێن.

لێدوانی فەرمی: مەریوان حاکم هادی، بەڕێوەبەری گشتیی شارەوانییەکانی هەولێر، بە ئاڤای گوت: "لە سنووری سەرجەم شارەوانییەکان بڕیاری سوودمەند بوون لە وەرگرتنی زەوی دەیانگرێتەوە، لە سنووری شارەوانییەکەی خۆیان زەوییان پێدەدرێت."

زانیاریی زیاتر:  ئەمڕۆ له‌ كانی قڕژاڵه‌، نزیكه‌ی 750 پارچه‌ زه‌وی دابه‌ش ده‌كرێت و به‌مه‌ش ده‌بێته‌ 13 شاره‌وانی له‌ سنووری به‌ڕێوه‌به‌رایه‌تیی گشتیی شاره‌وانییه‌كانی هه‌ولێر كه‌ زه‌وییان دابه‌ش كردووه‌. فەرمانبەری مەدەنی و سەربازی سنووری شارەوانیی کانی قڕژاڵە تیروپشکیان بۆ دەکرێت و لە دوو هەفتەی داهاتووش سێ بۆ چوار شارەوانی دیکە تیروپشکیان بۆ دەکرێت.

ئەوەی پێویستە بیزانیت: له‌ سنووری به‌ڕێوه‌به‌رایه‌تیی گشتیی شاره‌وانییه‌كانی هه‌ولێر (ده‌وروبه‌ری هه‌ولێر) تاوه‌كو ئێستا نزیكه‌ی 31 هه‌زار پارچه‌ زه‌وی له‌ سه‌رۆكایه‌تیی شاره‌وانییەکانی شه‌مامك، بنه‌سڵاوه‌، داره‌توو، كه‌سنه‌زان، به‌حركه‌، مه‌خموور، قوشته‌په‌، دیبه‌گه‌ و چه‌ند شوێنێكی دیكه‌ش‌ له‌ قۆناغی یه‌كه‌مدا دابه‌ش كراون.