سوپای سووریا لە بەنداوی تشرین بە درۆن هێرش دەکاتە سەر ماڵ و موڵکی هاووڵاتییان

ئاڤا نیوز

 

هێزەکانی سووریای دیموکرات (هەسەدە) ڕایدەگەیێنێت، گرووپە چەکدارەکانی سەر بە حکومەتی کاتی بە پشتگیریی تورکیا، ئێستا بە درۆنی بۆمبڕێژکراو باڵەخانەی حکومی و دەوروبەری بەنداوی تشرین بۆردوومان دەکات و ماڵ و موڵکی هاووڵاتیانیش بە ئامانج گیراوە. 

ڕاگەیێنراوی فەرمی: هێزەکانی سووریای دیموکرات (هەسەدە) لە ڕاگەیێنراوێکیدا دەڵێت: سوپای عەرەبیی سووریا بە درۆنی بۆمبڕێژکراو هێرش دەکاتە سەر باڵەخانەی پۆستەی دێر حافر و بەنداوی تشرین. گرووپە چەکدارەکانی سەر بە حکومەتی کاتی و تورکیا جارێکی دیکە دەستیان بە بۆردوومانکردنی شاری دێر حافر لە سنووری تەبقا کردووە.

لە ڕاگەیێنراوەکەی هەسەدە هاتووە: "لەم هێرشە نوێیەدا ماڵ و موڵکی هاووڵاتییانی مەدەنی کراونەتە ئامانج و زیانێکی زۆریان پێگەیشتووە."

لەلایەکی دیکەوە: ئاسایشی ناوخۆی ناوچەی سەفیرە لە گوندەواری حەلەب ڕایگەیاند، لەبەر هۆکاری ئەمنی و پاراستنی سەلامەتیی هاووڵاتییان، ڕێگای بەرەو ناحیەی مەسکەنە و مەزرەعەی 6ـەم تا کاتێکی نادیار داخراوە.

زانیاریی زیاتر: ئاسایش داوا لە هاووڵاتییان دەکات پابەندی ڕێنماییەکان بن و هاوکاریی لایەنە پەیوەندیدارەکان بکەن تاوەکو سەقامگیریی ناوچەکە بپارێزرێت.

ئەمەش بزانە: ڕێکخراوی مافی مرۆڤ لە عەفرین ڕایگەیاند، بەهۆی هێرشەکانی سەر هەردوو گەڕەکی ئەشرەفییە و شێخ مەقسوود تا ئێستا چارەنووسی 500 کەس نادیارە.