فەرەنسا لە گرینلاند کونسوڵخانە دەکاتەوە

ئاڤا نیوز

 

فەرەنسا ڕایگەیاند ڕۆژی 6-2-2026 کونسوڵخانەیەک لە دوورگەی "گرینلاند" دەکاتەوە. 

 

بۆچی گرنگە: ئەمە لە کاتێکدایە کە دۆناڵد ترەمپ، سەرۆکی ئەمریکا هەڕەشەی دەستبەسەرداگرتنی گرینلاندی کردووە کە دوورگەیەکی نیمچەسەربەخۆیە و بەشێکە لە سەروەریی دانیمارک.

 

لێدوانی فەرمی: ژان نۆێل بارۆ، وەزیری دەرەوەی فەڕەنسا، ڕایگەیاند، بڕیاری کردنەوەی ئەم کونسوڵخانەیە هاوینی ڕابردوو دراوە، کاتێک ئیمانوێل ماکرۆن، سەرۆکی فەڕەنسا وەک نیشاندانی پشتگیری سەردانی ئەو دوورگەیەی کردبوو. 

 

لەلایەکی دیکە: وەزیری دەرەوەی فەڕەنسا بە تووندی دژی لێدوانەکانی ترەمپ وەستایەوە و ڕایگەیاند: "گرینلاند نایەوێت ببێتە موڵکی کەس، یان لەلایەن ئەمریکاوە بەڕێوەببرێت و بخرێتە سەر ئەو وڵاتە. گرینلاند، دانیمارک و ناتۆ و یەکێتیی ئەوروپای هەڵبژاردووە."