مەسرور بارزانی پێكهێنانی هەردوو حكومەتی عێراق و كوردستان لەگەڵ باڵیۆزی فەرەنسا تاوتوێ دەكات

ئاڤا نیوز

سەرۆكوەزیران مەسرور بارزانی، دوایین گۆڕانكاری و پەرەسەندنەكانی ناوچەكە بەگشتی و دۆخی عێراق  گفتوگۆكان بۆ پێكهێنانی هەردوو كابینەی نوێی حكومەتی عێراق و هەرێمی كوردستان، لەگەڵ باڵیۆزی فەرەنسا لە عێراق، تاوتوێ دەكات.

چیرۆکی سەرەکی: ئەمڕۆ چوارشەممە، مەسرور بارزانی، سەرۆكوەزیرانی هەرێمی کوردستان، پێشوازی لە پاتریک دۆرێل، باڵیۆزی فەرەنسا لە عێراق کرد، لەسەر چەند تەوەرێكی پەیوەست بە دۆخی ناوچەكە بەگشتی و ناوخۆی عێراق گفتوگۆیان كرد.

ڕاگەیێنراوی فەرمی: لەبارەی ناوەڕۆكی دیدارەکە، ماڵپەڕی فەرمیی حكومەتی هەرێمی كوردستان بڵاویكردووەتەوە، دۆخی گشتیی عێراق و هەوڵ و گفتوگۆی لایەنە سیاسییەکان بۆ پێکهێنانی هەردوو کابینەی نوێی حکومەتی عێراق و حکومەتی هەرێمی کوردستان تاوتوێ کرا.

زانیاریی زیاتر: لە بەشێکی دیکەی کۆبوونەوەدا، بیروڕا لە بارەی دوایین گۆڕانکاری و پەرەسەندنەکانی دۆخی ناوچەکە، ئاڵوگۆڕ کرا.