ترەمپ جەخت لە خواستی خۆی بۆ بەدەستهێننانی گرینلاند دەکاتەوە

ئاڤا نیوز

سەرۆکی ئەمریکا ڕژدە لەسەر بەدەستهێنانی دوورگەی گرینلاند و جەختیش لەوە دەکاتەوە کە بۆ بەدەستهێنانی هەموو شتێك دەکات.

چیرۆکی سەرەکی: دوێنی چوارشەممە لە کۆشكی سپی کۆبوونەوەیەک لەنێوان بەرپرسانی ئەمریکا کە تێیدا مارکۆ ڕوبیۆ، وەزیری دەرەوە و جەی دی ڤانس، جێگری ترەمپ، لەگەڵ لارس لۆکێ ڕاسموسن، وەزیری دەرەوەی دانیمارک و هاوتا گرینلاندەکەی ڤیڤیان مۆتزفێڵد بەڕێوەچوو، گفتوگۆ لەبارەی داهاتووی دوورگەی گرینلاندوە کرا، بەڵام دوای کۆبوونەوەکە جارێکی دیکە ترەمپ خواستی خۆی بۆ بەدەستهێنانی گرینلاند دەربڕی.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، گرینلاند زۆر گرنگە بۆ ئاسایشی نیشتمانی، لەنێویاندا دانیمارک، ئەگەر ڕووسیا و چین گرینلاند داگیر بکەن ئەوا دانیمارک ناتوانێت هیچ شتێک بکات.

هاوکات ترەمپ دەشڵێت،' دەتوانین هەموو شتێک بکەین، وەک ئەوەی هەفتەی ڕابردوو لەگەڵ ڤەنزوێلا کردمان و دەرکەوت'

کاردانەوەکان: لەبەرامبەر بە لێدوانەکانی ترەمپ، دانیمارک و گرینلاند هەڵوێست وەردەگرن و دژ بەهەڵوێستەکانی ئەمریکا دەوستن و دەڵێن خاکەکەیان بۆ فرۆشتن نییە.