پچڕانی ئینتەرنێت نزیکەی 300 ملیۆن دۆلار زیانی بە ئێران گەیاندووە

ئاڤا نیوز

 

بەگوێرەی خەمڵاندنەکانی (نێت بلۆکس)، پچڕانی ئینتەرنێت 296 ملیۆن دۆلار زیانی بە ئابووری ئێران گەیاندووە.

چیرۆکی سەرەکی: بەهۆی خۆپیشاندانەکان، دەسەڵاتدارانی ئێران بە ئەمڕۆوە 190 کاتژمێرە پەیوەندی هاووڵاتیانی وڵاتەکەی بە جیهانیی دەرەوە بڕیوە، ئەمەش بەدەر لەوەی کە کاریگەریی کردووەتە سەر ژیانی هاووڵاتیان زیانی ئابووریی زۆریش بەر ئێران کەوتووە.

 

پێدراوە ڕاستییەکان: کۆمپانیای چاودێریی ئینتەرنێتی جیهانی (نێت بلۆکس) ڕایگەیاند: ماوەی زیاتر لە 190 کاتژمێرە ئینتەرنێت لە ئێران پچڕاوە، زیانی ئابووری ئەم پچرانی ئینتەرنێتە بۆ سەر ئەو وڵاتە 296.4 ملیۆن دۆلارە کە دەکاتە 42 تریلیۆن تمەن.

 

لێدوانی فەرمی: لە چەند ڕۆژی ڕابردوودا عەباس عێراقچی، وەزیری دەرەوەی ئێران لە چاوپێکەوتنێکی بۆ کەناڵی جەزیرە ڕایگەیاند: ئێمە ئینتەرنێتمان لە ئێران پچران دوای ئەوەی زانیمان تیرۆریستانی ناو وڵات و تێکدەران لە دەرەوەی وڵاتمان هاندەدرێن. ئەمەمان وەک هەنگاوێک بۆ دابڕانی پەیوەندی تێرۆریستان بە دوژمنانەوە کرد.