گەشتە ئاسمانییەکانی نێوان هەرێمی کوردستان و ئێران بەردەوامن

ئاڤا نیوز

بەڕێوەبەری فڕۆکەخانەی نێودەوڵەتیی هەولێر ڕایگەیاند، گەشتە ئاسمانییەکانی نێوان هەرێمی کوردستان و ئیران نەوەستاوە ئەگەر گەشتیار هەبێت سبەی هەینی لە هەولێرەوە بۆ ئێران گەشتێکی ئاسمانی دەبێت. 

چیرۆکی سەرەکی: بەهۆی ناڕەزایەتییەکانی ئێران و دەنگۆی هێرشی ئەمریکا بۆ سەر ئەو وڵاتە، بەشێک لە کۆمپانیاکانی فڕۆکەوانی گەشتەکانیان بۆ ئێران سنووردار کردووە، بەڵام گەشتەکانی فڕۆکەخانەی نێودەوڵەتیی هەولێر بەردەوامن.

لێدوانی فەرمی: ئەحمەد هۆشیار، بەڕێوەبەری فرۆکەخانەی نێودەوڵەتیی هەولێر بە ئاڤای ڕاگەیاند، گەشتە ئاسمانییەکانی نێوان هەرێمی کوردستان و تاران نەوەستاوە و لە ڕۆژی هەینی ڕابردوو تا ئەمڕۆ دوو گەشتی ئاسامانی هەبووە و ئەگەر گەشتیار هەبێت سبەینێش گەشتێکی دیکە دەکرێت.

ئاماژەی بەوەشکرد، بەهۆی خۆپێشاندان و ئاڵۆزییەکانی ئێران، گەشتە ئاسمانییەکانی نێوان هەرێمی کوردستان و تاران نەوەستاوە، بەڵام گەشتیار کەمبووەتەوە و ئەمەش وایکردووە گەشتەکان کەمببنەوە، وێڕای ئەوەی ئەمڕۆ ئاسمانی ئێران بۆ هاتن و چوونی گەشتە ئاسمانییە نێودەوڵەتییەکان ئاسایی بووەوە، بەڵام لە فرۆکەخانەی نێودەوڵەتی هەولێر هیچ گەشتیک لەنێوان هەرێمی کوردستان و تاران نییە.