ئەڵمانیا ڕاگرتنی گەشتە ئاسمانییەکانی بۆ ئێران تا مانگی داهاتوو درێژ کردەوە

ئاڤا نیوز

 

ئەڵمانیا هۆشداری دەداتە هێڵەکانی فڕۆکەوانی وڵاتەکەی خۆیان لە بەکارهێنانی ئاسمانی ئێران بۆ گەشتەکان بەدوور بگرن و ڕاگرتنی سەرجەم گەشتە ئاسمانییەکانیشی تاوەکو 10ـی مانگی داهاتوو درێژکردەوە. 

چیرۆکی سەرەکی: دەزگای کۆنترۆڵی ئاسمانی ئەڵمانیا (DFS)، ڕێنماییەکی نوێی بۆ کۆمپانیاکانی فڕۆکەوانی دەرکرد و داوای لێکردن خۆیان لە فڕین بەسەر ئاسمانی ئێراندا بەدووربگرن، ئەم بڕیارە دوای هۆشدارییەکانی ئەمەریکا دێت سەبارەت بە ئەگەری دەستێوەردانی سەربازی لە ناوچەکە و بە تایبەت ئەگەری هێرشی ئاسمانی بۆ سەر ئێران.

لێدوانی فەرمیی: وتەبێژی ئۆفیسی سەلامەتی فڕۆکەوانی ئەڵمانیا، بە کەناڵی فرانس پرێسی ڕایگەیاندووە: "ماوەی درێژکردنەوەی ڕاگرتنی گەشتەکانی ئەڵمانیا تاوەک 10ـی مانگی داهاتوو بەردەوام دەبێت و ئەم هەنگاوە لەسەر ڕێنمایی فەرمی وەزارەتی گواستنەوەی ئەڵمانیایە."

 

٠ هۆکارەکەشی بۆ پاراستنی سەلامەتی گەشتە مەدەنییەکان لە ئەگەری هەر پەرەسەندنێکی سەربازی لە ناوچەکەدا گەڕاندەوە. 

زانیاریی زیاتر: ئەم هۆشدارییە لە کاتێکدایە گرژییەکان لە ڕۆژهەڵاتی ناوەڕاست ڕوویان لە زیادبوون کردووە و ڕاگرتنی گەشتەکان وەک ڕێکارێکی خۆپارێزی ڕێڕەوە ئاسمانییەکانیانە و دوورکەوتنەوەیە لەو وڵاتانەی مەترسیان لەسەرە.