تۆم باراک: بۆ هێورکردنەوەی سووریا شەو و ڕۆژمان خستووەتە سەر یەک

ئاڤا نیوز

تۆم باراک، نێردەی تایبەتی ئەمریکا بۆ سووریا، ڕایگەیاند واشنتن لە هەوڵێکی دیپلۆماسیی چڕدایە بۆ ڕاگرتنی پەرەسەندنە سەربازییەکان و هێنانەوەی حکومەتی سووریا و هەسەدە بۆ سەر مێزی گفتوگۆ.

وێنە گەورەکە: دوای ئاڵۆزییەکانی حەلەب و جووڵە سەربازییە نوێیەکانی سوپای سووریا لە دەوروبەری ناوچەکانی ژێر دەسەڵاتی کورد، ئەمریکا دەخوازێت ڕێگری لە داڕمانی تەواوەتیی سەقامگیری لە باکووری وڵاتەکە بگرێت.

چیرۆکی سەرەکی: نێردەی تایبەتی ئەمریکا لە پەیامێکدا لە پلاتفۆرمی "ئێکس" ستراتیژیی ئێستای وڵاتەکەی بەم شێوەیە ڕوون کردەوە: ئەمریکا لەگەڵ هەموو لایەنە مەیدانییەکان لە پەیوەندیی نزیک و بەردەوامدایە، تیمە دیپلۆماسییەکانی ئەمریکا بە بێ پشوودان کار بۆ هێورکردنەوەی بەرەکان دەکەن، کارە لەپێشینەکە بریتییە لە دەستپێکردنەوەی گفتوگۆکانی نێوان حکومەتی سووریا و هێزەکانی سووریای دیموکرات (هەسەدە).

لێدوانی فەرمی: تۆم باراک، نێردەی تایبەتی ئەمریکا بۆ سووریا: ئەمریکا شەو و ڕۆژ کار دەکات بۆ هێورکردنەوەی بارودۆخەکە، ڕێگرتن لە پەرەسەندنی گرژییەکان و گەڕانەوە بۆ گفتوگۆکانی یەکگرتنەوە لە نێوان حکومەتی سووریا و هێزەکانی سووریای دیموکرات (هەسەدە).

زانیاریی زیاتر: ئەم جووڵە دیپلۆماسییەی واشنتن هاوکاتە لەگەڵ جموجووڵە سەربازییەکانی تورکیا و سوپای سووریا لە پێنج میحوەری جیاوازدا.