ئەلمۆنیتەر: تۆم باراک و مەزڵووم عەبدی لە هەولێر کۆ دەبنەوە

ئاڤا نیوز

پێگەیەکی ئەمریکی ئاشکرای دەکات، لەسەر بارودۆخی ئەم دواییەی ڕۆژئاوای کوردستان و بۆ ڕێگریکردن لە هەڵگیرسانی شەڕێکی گەورە، نێردەی تایبەتی ئەمریکا بۆ سووریا لەگەڵ فەرماندەیی گشتی هێزەکانی هەسەدە کۆدەبێتەوە.

وێنە گەورەکە: بەهۆی هێرشی سوپای عەرەبی سووریا گرژییەکان گەیشتوونەتە لووتکە، سووپای عەرەبی سووریا هەڕەشەی هێرشکردن دەکات بۆسەر ئەو شارانەی کە لەژێر کۆنترۆڵی هەسەدەن لە ڕۆرئاوای فورات، لەناویاندا دێر حافر و مەسکەنە. هەر ئەمڕۆش لە شاری دێر حافر، فەرماندەیی هەسەدە و فەرماندەیی هێزەکانی هاوپەیمانان کۆبوونەوە.

زانیاریی بەدەستهاتوو: پێگەی ئەلمۆنیتەری ئەمریکی بڵاوی کردووەتەوە، ڕۆژی شەممە لە شاری هەولێر، هەریەکە لە تۆم باراک، نێردەی تایبەتی ئەمریکا بۆ سووریا لەگەڵ مەزڵووم عەبدی، فەرماندەیی گشتی هێزەکانی هەسەدە کۆدەبنەوە.

بەگوێرەی زانیارییەکانی پێگەی ئەلمۆنیتەر، نێچیرڤان بارزانی، سەرۆکی هەرێمی کوردستان، ڕۆڵی سەرەکی هەبووە لە ڕێکخستنی ئەم کۆبوونەوەیە و دەتوانێت وەکو ڕایەڵێک بۆ هێورکردنەوەی دۆخەکە ڕۆڵ بگێڕێت.