سەرۆک بارزانی پەیامێکی سەرەخۆشی بۆ سیستانی دەنێرێت

ئاڤا نیوز

بەهۆی کۆچی دوایی براکەی، سەرۆک مەسعود بارزانی پەیامێکی هاوخەمی و دڵنەوایی ئاراستەی عەلی سیستانی، مەرجەعی باڵای شیعەکانی عێراق دەکات.

چیرۆکی سەرەکی: ئەمڕۆ هەینی، هادی سیستانی، برا بچووکی عەلی سیستانی، مەرجەعی باڵای شیعەکانی عێراق لە ئێران بەهۆی نەخۆشییەوە کۆچی دوایی کرد.

پەیامی فەرمی: لە پەیامێکدا سەرۆک مەسعود بارزانی هاوخەمی بۆ عەلی سیستانی، مەرجەعی باڵای شیعەکانی عێراق دەربڕی و ڕایگەیاند، "بە خەم و پەژارەیەکی قووڵەوە هەواڵی کۆچی دوایی براکەتان، جەنابی سەید هادی سیستانی (ڕەحمەتی خوای لێ بێت) پێمان گەیشت، بەم بۆنە خەمناکەوە، سەرەخۆشی و هاوخەمیی دڵسۆزانەم ئاراستەی جەنابتان و بنەماڵەی بەڕێزتانەوە و هەموو ئیمانداران دەکەم."

"نزا دەکەم خوای گەورە کۆچکردوو لە ڕەحمەتە بەرفراوانەکەی بێبەش نەکات و ئارامیتان پێ ببەخشێت."