سوپای عەرەبیی سووریا چوونە ناو شاری دێر حافری ڕاگەیاند

ئاڤا نیوز

دەستەی ئۆپەراسیۆنەکانی سوپای عەرەبیی سووریا ڕایدەگەیێنێت، یەکەمین یەکەکانی سوپا دەستیان بە چوونە ناو ناوچەکانی ڕۆژئاوای فورات کردووە و لە ئێستادا گەیشتوونەتە ناو شاری دێر حافر.

ئەوەی پێویستە بیزانیت: ئەم پێشهاتە سەربازییە دوای کشانەوەی هێزەکانی سووریای دیموکرات (هەسەدە) دێت لەو ناوچانە، کە بە مەبەستی دووبارە جێگیرکردنەوەی هێزەکانیان بەرەو ڕۆژهەڵاتی فورات.

زانیاریی بەدەستهاتوو: سەرچاوەیەکی سەربازی لە سوپای سووریا بۆ کەناڵی "ئەلجەزیرە" پشتڕاستی کردەوە کە دێر حافر یەکەمین ناوچەیە لە ڕۆژئاوای فورات کە هێزەکانی حکومەت تێیدا جێگیر بوون.

٠ سوپای سووریا داوای لە هاووڵاتییان کردووە تاوەکو کۆتاییهاتنی پڕۆسەی پشکنین و پاککردنەوەی ناوچەکە لە مین و پاشماوەکانی جەنگ، لە پێناو پاراستنی سەلامەتییان نەگەڕێنەوە ناو شارەکە.

لەلایەکی دیکەوە: ئەم هەنگاوە لە کاتێکدایە کە هەوڵە دیپلۆماسییەکان لە هەولێر بۆ ڕێگریکردن لە هەر پێکدادانێکی بەرفراوان لە نێوان سوپا و هەسەدە چڕکراونەتەوە تاوەکو ڕێککەوتنی 10ـی ئاداری 2025 بپارێزرێت.