سەرۆکی کاتیی ڤەنزوێلا: وڵاتەکەمان دەوڵەمەند دەکەینەوە

ئاڤا نیوز

 

دێلسی ڕۆدریگێز، سەرۆکی کاتیی ڤەنزوێلا، لە کۆنگرەیەکی ڕۆژنامەوانی ئاشکرایکرد، لەمەودوا نەوتی ڤەنزوێلا بەکاردێت بۆ دەوڵەمەند کردنەوەی وڵاتەکە. 

 

چیرۆکی سەرەکی: دێلسی ڕۆدریگێز، کۆبوونەوەیەکی لەگەڵ ئەنجوومەنی نیشتمانی بۆ ئابووری بەرهەمدار ئەنجامدا، دوای چەند کاتژمێرێک لە گفتوگۆ و کۆتایی هاتنی کۆبوونەوەکە، دێلسی کۆنگرەیەکی ڕۆژنامەوانی ئەنجامدا و پلانی داهاتووی خۆی بۆ بەڕێوەبردنی وڵاتەکەی خستەڕوو. 

 

کاریگەریی و لێکەوتەکان: پێشتر دۆناڵد تڕەمپ، سەرۆکی ئەمریکا ڕایگەیاندبوو کە لەمەودوای بەرهەمهێنان و فرۆشتنی نەوتی ڤەنزوێلا لەژێر سەرپەرشتی ئەمریکا دەبێت، دێلسی ڕۆدریگێزیش ئەوەی لە هاووڵاتیانی نەشاردەوە و بە دۆخێکی سیاسی نوێ ناوی برد، بەڵام بەڵێنیدا کە لەو ڕێگەیەوە وڵاتەکەی ببوژێنێتەوە و دووبارە دەوڵەمەندی بکاتەوە. 

 

گۆشەیەکی دیکەی چیرۆکەکە: بە دوای ئەو کۆنگرە ڕۆژنامەوانییە، ڕۆدریگێز بڕیاری دوورخستنەوەی وەزیری پیشەسازی دا و بە دۆستی مادۆرۆ ناوی برد.

 

لەلایەکی دیکەوە: کەسە نزیکەکانی نیکۆلاس مادۆرۆ، سەرۆکی پێشووی ڤەنزوێلا، گرتبوونەوەیەکیان سازکرد و تیایدا داوای ئازادکردنی سەرۆکەکەیان دەکرد، لەو گرتبوونەوەشدا کوڕە گەورەی سەرۆکی پێشوو ئامادەبوو.