ترەمپ سوپاسی خامنەیی دەکات

ئاڤا نیوز

دۆناڵد ترەمپ، سەرۆکی ئەمریکا، سوپاسی عەلی خامنەیی ڕێبەری باڵای شۆڕشی ئیسلامی ئێران دەکات کە لەسێدارەدانی زیاتر لە 800 کەسی هەڵوەشاندووەتەوە.

چیرۆکی سەرەکی: ترەمپ لە نووسینێکدا لە ئەژماری تایبەتی خۆی لە تۆڕی کۆمەڵایەتیی تروس سۆشیاڵ دەڵێت: بڕیاربوو ئەو کەسانە لە سێدارە بدرێن، بەڵام لەلایەن ڕێبەرایەتی ئێرانەوە هەڵوەشایەوە، ئەوەش جێگای ڕێز و سوپاسە.

دەقی نووسینەکەی ترەمپ: " زۆر ڕێز لەو ڕاستییە دەگرم کە هەموو لەسێدارەدانە بەرنامە بۆ داڕێژراوەکان، کە بڕیار بوو دوێنێ جێبەجێ بکرێن (زیاتر لە 800 کەسن) لەلایەن ڕێبەرایەتیی ئێرانەوە هەڵوەشاونەتەوە. سوپاس!"

باکگراوند: لە کۆتایی مانگی ڕابردوو خۆپیشاندان لە پارێزگاکانی ئێران دەستیان پێکرد و داوای باشکردنی دۆخی دارایی و گوزەرانیان دەکرد، هێزە ئەمنییەکان بە توندیی وەڵامیان دانەوە دەیان هەزار کەس کوژران و بریندار بوون یان سزای لە سێدارەدانیان بۆ دەرچوو، لەو چوارچێوەیەدا سەرۆکی ئەمریکا هەڕەشەی بەکارهێنانی هێزی کرد ئەگەر سزای لەسێدارەدان بۆ دەیان خۆپیشاندەر جێبەجێ بکرێت و دۆخەکە چووە ئەوپەڕی مەترسییەوە کە جەنگ هەڵبگیرسێت، بەڵام لە ساتەکانی کۆتاییدا ترەمپ سەرجەم هۆشدارییەکانی خاوکردەوە.