سوپای سووریا گەیشتە مەسکەنە و 14 گوند و شارۆچکەی دیکەی کۆنتڕۆڵ کرد

ئاڤا نیوز

دەستەی ئۆپەراسیۆنەکانی سوپای عەرەبی سووریا ڕایدەگەیێنێت، یەکەمین یەکەکانی سوپا گەیشتوونەتە شاری مەسکەنە لە ڕۆژهەڵاتی حەلەب و توانیویانە 14 گوند و شارۆچکەی دیکەی ناوچەکە بپارێزن و کۆنتڕۆڵ بکەن.

ڕاگەیێنراوی فەرمی: هاوکات دەستەی ئۆپەراسیۆنەکانی سوپای عەرەبی سووریا ڕایگەیاند، ڕێگە بە چوونە دەرەوەی زیاتر لە 200 ئەندامی هێزەکانی سووریای دیموکرات (هەسەدە) دراوە تاوەکو بە چەکەکانیانەوە لە ناوچەکە بکشێنەوە.

لەلایەکی دیکەوە: وەزارەتی بەرگریی سووریا ئاشکرای کرد، یەکەکانیان پێش نیوەڕۆی ئەمڕۆ چوونەتە ناو گوندی "جفێرە" و جێگیربوونیان لە دەوروبەری مەسکەنە تەواو کردووە.

زانیاریی زیاتر: ئەم جووڵانە لە چوارچێوەی جێبەجێکردنی بڕگەکانی ڕێککەوتنی 10ـی ئاداری 2025 دێت، کە تێیدا هەسەدە بڕیاری دا هێزەکانی بەرەو ڕۆژهەڵاتی فورات بکێشێتەوە بۆ دوورکەوتنەوە لە هەر پێکدادانێکی نوێ.