پەیامێکی تایبەت لە دۆناڵد ترەمپ گەیشتە سەرۆک بارزانی

ئاڤا نیوز

سەرۆك بارزانی پێشوازی لە تۆم باراک کرد و سوپاسی ڕۆڵی ئەمریكای لە یارمەتیدانی لایەنەكانی سووریا كرد بۆ گەیشتن بە چارەسەركردنی كێشەكان و جەختیشی لەوە كردەوە، پێویستە لە داهاتووی سووریادا مافەكانی گەلی كورد گەرەنتی بكرێت.

چیرۆکی سەرەکی: ئەمڕۆ شەممە، سەرۆك مەسعود بارزانی پێشوازی لە تۆم باراك نوێنەری سەرۆك ترامپ بۆ كاروباری سووریا و باڵیۆزی ئەمەریكا لە توركیا و شاندی یاوەری كرد.

لە دیدارەكەدا كە سەرۆکوەزیرانی هەرێمی کوردستان، مەسرور بارزانی ئامادەی بوو، تۆم باراك سڵاو و ڕێزی سەرۆك ترەمپی بە سەرۆك بارزانی گەیاند، هاوکات پێزانینی بۆ ڕۆڵی سەرۆك بارزانی هەبوو لە پڕۆسەی ئاشتی و هێوركردنەوەی ڕووداوەكانی ئەم دواییەی سووریا.

زانیاریی تایبەت: بەپێی زانیارییەکانی ئاڤا میدیا، دۆناڵد ترەمپ پەیامی تایبەتی بۆ مەزڵووم عەبدی و ئەحمەد شەرعیش ناردووە دۆخەکە هێور بکەنەوە.

ڕاگەیێنراوی فەرمی: لە ڕاگەیێنراوێکدا بارەگای بارزانی ڕایگەیاند، لە دیدارەکەدا بارودۆخی سووریا و دوایین گۆڕانكارییە مەیدانیەكان خرایە بەر باس و گفتوگۆ و جەخت لەوە كرایەوە كە بۆ گەیشتن بە چارەسەریی كێشەكان پێویستە پشت بە دیالۆگ و لێكتێگەیشتن و شێوازی ئاشتیانە ببەسترێت.

لە بەشێكی تری دیدارەکە سەرۆك بارزانی سوپاسی ڕۆڵی ئەمریكای لە یارمەتیدانی لایەنەكانی سووریا كرد بۆ گەیشتن بە چارەسەركردنی كێشەكان و جەختیشی لەوە كردەوە پێویستە لە داهاتووی سووریادا مافەكانی گەلی كورد گەرەنتی بكرێت.