مەسرور بارزانی و تۆم باراک جەخت لە چارەسەری کێشەکانی نێوان هەولێر و بەغدا دەکەنەوە

ئاڤا نیوز

سەرۆکوەزیران مەسرور بارزانی پێشوازی لە تۆم باراک کرد، جەخت لە چارەسەریی ئاشتییانەی کێشەکان و پاراستن و ڕێزگرتن لە مافە دەستوورییەکانی هەرێمی کوردستان کرا.

چیرۆکی سەرەکی: ئەمڕۆ شەممە، سەرۆکوەزیران مەسرور بارزانی، لە پیرمام، لەگەڵ تۆم باراک، نوێنەری تایبەتیی سەرۆکی ئەمریکا بۆ سووریا و باڵیۆزی ئەمریکا لە تورکیا کۆبووەوە.

ڕاگەیێنراوی فەرمی: سەرۆکایەتی حکومەتی هەرێمی کوردستان بڵاوی کردەوە، لە دیدارێکی تایبەتدا کە وێندی گرین، کونسوڵی گشتیی ئەمریکا لە هەرێمی کوردستان ئامادەی بوو، گفتوگۆ لەبارەی بارودۆخی گشتیی ناوچەکە و پەیوەندییەکانی هەرێمی کوردستان و حکومەتی فیدراڵ و وڵاتانی دراوسێ کرا و جەخت لە چارەسەریی ئاشتییانەی کێشەکان و پاراستن و ڕێزگرتن لە مافە دەستوورییەکانی هەرێمی کوردستان کرا.

ئەوەی پێویستە بیزانیت: تۆم باراک، نوێنەری تایبەتی دۆناڵد ترەمپ، بە سەردانێک لە هەولێرە و لەگەڵ سەرۆک بارزانی و سەرۆکوەزیران مەسرور بارزانی کۆبووەوە، بڕیارە هەر ئەمڕۆ لەگەڵ نێچیرڤان بارزانی، سەرۆکی هەرێمی کوردستان و مەزڵووم عەبدی، فەرماندەیی گشتیی هەسەدە کۆببێتەوە.