لە سۆران بەهۆی کەوتنی بەرزکەرەوەیەک سێ ئافرەت بریندار بوون

ئاڤا نیوز

 

لە سۆران لە باڵەخانەیەک بەرزکەرەوەیەک لە کاتی کارکردندا دەپچڕێت و بەهۆیەوە سێ ئافرەت بریندار بوون و برینی یەکێکیان قورسە.

 

لێدوانی فەرمی: کاروان میراودەلی، بەڕێوەبەری بەرگریی شارستانیی سۆران بە ئاڤای وت، لە سۆران لە شەقامی حەریق لە باڵەخانەی لازیال بەرزکەرەوەیەک لە کاتی کارکردندا پچڕاوە و کەوتووەتە خوارەوە و بە هۆیەوە سێ ئافرەت بریندرابوون برینی یەکێکیان قورسە.

 

- بریندارەکان بەمەبەستی چارەسەر گواسترانەوە بۆ بەشی فریاکەوتنی نەخۆشخانەی ئاشتی لە سۆران. ئافرەتەکان لە سێ خێزانی جیاوازن و یەکێکیشیان کارمەندی باڵەخانەکە بووە.

 

زانیاریی زیاتر: دوای بەدواداچوونی تیمەکانی بەرگریی شارستانی سۆران دەرکەوت ئەو باڵەخانەیە مەرجەکانی بەرگریی شارستانی جێبەجێکردووە، ئێستا لیژنەیەکی هونەری لە تیمەکانی بەرگریی شارستانی سەرقاڵی لێکۆڵینەوەن.