سوپای عەرەبیی سووریا هێرشی کردە سەر بەنداوی تشرین

ئاڤا نیوز

هێزەکانی سووریای دیموکرات (هەسەدە) و یەکینەکانی پاراستنی ژن (یەپەژە) توانییان سێ هەوڵی هێرشکردنی گرووپە چەکدارەکانی سەر بە سوپای عەرەبی سووریا بۆ سەر میحوەرەکانی بەنداوی تشرین تێکبشکێنن.

ڕاگەیێنراوی فەرمی: بەگوێرەی ڕاگەیێنراوی ناوەندی ڕاگەیاندنی هەسەدە، لە ئەنجامی ئەم بەرپەرچدانەوەیەدا، شەڕڤانان توانییان دوو تانک، زرێپۆشێک و سێ ئۆتۆمبێلی سەربازیی هێرشبەرەکان بە تەواوی تێکبشکێنن.

ناوەندی ڕاگەیاندنی هەسەدە جەخت دەکاتەوە کە پێکدادانەکان لەو ناوچەیەدا بە تووندی بەردەوامن و هێزەکانیان ڕێگەیان نەداوە هیچ پێشڕەوییەک بەرەو بەنداوە ستراتیژییەکە ئەنجام بدرێت، لە کاتێکدا لایەنی هێرشبەر زیانی گیانی و ماددی زۆری پێگەیشتووە. تا ئێستاش پێکدادانەکان لە میححوەری بەنداوی تشرین بەردەوامییان هەیە.

زانیاریی زیاتر: بەگوێرەی ڕاگەیێنراوەکەی هەسەدە، شەڕڤانانی هەسەدە هێرشێکی چەکدارانی سەر بە دیمەشقیان  تێکشکاندووە و هەسەدە دەڵێت: "هێزەکانی سووریای دیموکرات (هەسەدە)، بە بەشداریی یەکینەکانی پاراستنی ژن (یەپەژە)، توانییان سێ هەوڵی هێرشکردنی گروپە چەکدارەکانی سەر بە لایەنەکانی دیمەشق لە تەوەرەی "بەنداوی تشرین" تێکبشکێنن و پووچەڵی بکەنەوە."

لە ئەنجامی ئەو چالاکییە بەرگرییانەدا، ئەم زیانانە بەر هێرشبەران کەوتووە:

•    تێکشکاندنی دوو تانک.
•    تێکشکاندنی ئۆتۆمبێلێکی زرێپۆش.
•    تێکشکاندنی دوو ئۆتۆمبێلی سەربازی کە چەکی دۆشکەیان لەسەر بووە.
•    تێکشکاندنی شۆفڵێکی سەربازی.
تا ئێستاش پێکدادانەکان لەو ناوچەیەدا (تەوەرەی بەنداوی تشرین) بەردەوامییان هەیە.