فێستیڤاڵێکی گەورە لە سەنتەری شاری هەولێر ساز دەکرێت

ئاڤا نیوز

بەدرێژایی مانگی ڕەمەزان فێستیڤاڵێکی گەورە لە شاری هەولێر سازدەکرێت، بەم هۆیەوە هەلی کارکردن بۆ گەنجانی شاری هەولێر دەڕەخسێنرێت.

چیرۆکی سەرەکی: ساڵانە بەبۆنەی هاتنی مانگی رەمەزان، لە پارێزگای هەولێر، سەرۆکایەتی شارەوانیی، چەندین فێستیڤاڵ و چالاکی لەو مانگە ئەنجامدەدات، بەمەبەستی ڕاکێشانی سەرنجی گەشتیاران و رەخساندنی هەلەی کار.

لێدوانی فەرمی: سەرۆکایەتی شارەوانیی هەولێر ڕایگەیاند، هاوشێوەی ساڵی ڕابردوو هەڵدەستن بە سازدانی فێستیڤاڵێکی گەورە لە سەنتەری شاری هەولێر. لەڕێگای نمایشکردنی بڕاندەکان و ئامادەکردنی خواردنی کوردەواری و کاری دەستی بۆ ئەو کەسانەی دەستڕەنگینن.

٠ هەلی کار بۆ ئەو گەنجانە دەڕەخسێنرێت کە ئارەزووی کارکردنیان هەیە.

٠ لەسەرەتای مانگی ڕەمەزان تاوەکو دوای جەژن.

زانیاریی زیاتر: 40 کۆشک بۆ فێستیڤاڵەکە دابین دەکرێت، هاووڵاتیان دەتوانن لەڕێگەی زیادکردنی ئاشکراوە بەشداربن، بۆئەوەی سوودمەندبن لە دەستەبەرکردنی هەلی کار لە مانگی ڕەمەزان، ڕۆژی یەکشەممە 15-2-2026 زیادکردنی ئاشکرا ئەنجام دەدرێت، بەمەبەستی جێبەجێکردنی ڕێکارەکان هاووڵاتیان دەتوانن سەردانی بەشی زیادکردنی ئاشکرا بکەن لە سەرۆکایەتی شارەوانیی هەولێر.

ئەمەش بزانە: لە فێستیڤاڵەکە بڕگە و چالاکی هونەری، کاری دەستڕەنگینی، خواردنی کوردەواری و بیانی دەخرێنەڕوو، هاووڵاتیان و گەشتیاران دەتوانن بەدرێژایی شەوانی ڕەمەزان ڕوو لە فێستیڤاڵەکە بکەن.