تورکیا لەبارەی ڕێککەوتنەکەی دیمەشق و هەسەدە: هیوادارین خزمەت بە ئارامی و ئاسایشی تەواوی ناوچەکە بکات

ئاڤا نیوز

وەزارەتی دەرەوەی تورکیا ڕاگەیێنراوێکی لەبارەی ڕێککەوتننامەی ڕاگەیاندنی ئاگربەست و تێکەڵبوونەوەی تەواوەتی هەسەدە لەگەڵ ئیدارەی نوێی سووریا بڵاوکردەوە و خوازیارە ڕێککەوتننامەکە خزمەت بە ئارامی و ئاسایشی تەواوی ناوچەکە بکات بەتایبەت بە گەلی سووریا و وڵاتانی هاوسێی سووریا.

چیرۆکی سەرەکی: ئێوارەی ئەمڕۆ ئەحمەد شەرع، سەرۆککۆماری سووریا ڕایگەیاند، لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) واژۆیان لەسەر ڕێککەوتننامەیەک کردووە کە لە 14 خاڵ پێکدێت. 

ڕاگەیێنراوی فەرمی: وەزارەتی دەرەوەی تورکیا لە ڕاگەیێنراوێکدا دەڵێت: "هیوا دەخوازین ڕێککەوتننامەی نێوان سوپای عەرەبی سووریا و هەسەدە لەسەر بنەمای یەکڕیزی و پاراستنی یەکپارچەیی خاکی سووریا بە زوویی و بە شێوەیەکی کاریگەر ببێتە هۆی هێنانەدی سەقامگیری و ئاسایش لەو وڵاتە."

٠ قۆناغی نوێ کە لە 8-12-2024ـەوە لە سووریا دەستی پێ کردووە و دەرفەت دەڕەخسێنێت بۆ داهاتوویەکی پڕ لە خۆشگوزەرانی لەو وڵاتە، لە ئەمڕۆوە بە بازنەیەکی هەستیاردا تێدەپەڕێت.

٠ لەگەڵ هەستکردن بەو ڕاستییانەی لە گۆڕەپانەکان دەبینرێن، هیوادارین لە داهاتووی سووریادا لەبری "تیرۆر" و "جیابوونەوە"، تەواوی گرووپ و تاکەکانی سووریا بە تەواوی واتا بگەنە ڕێککەوتن.

٠ بەردەوام دەبین لە پشتیوانییەکان بۆ حکوومەتی سووریا لەسەر بنەمای لەخۆگرتنی هەموومان، بۆ بونیادنانەوەو بەرەنگاربوونەوەی "تیرۆر".

دەقی ڕاگەیێنراوەکەی وەزارەتی دەرەوەی تورکیا بە زمانی تورکی