ئەحمەد شەرع لەبارەی ڕێککەوتنەکەی لەگەڵ هەسەدە سوپاسی ڕۆڵی سەرۆک بارزانی دەکات

ئاڤا نیوز

بۆ گەیشتن بە ڕێککەوتن لەگەڵ هەسەدە و چڕکردنەوەی هەوڵەکان بۆ گەیشتنی سووریا بە سەقامگیریی، ئەحمەد شەرع سوپاسی ڕۆڵی سەرۆک بارزانی، دۆناڵد ترەمپ و ئیمانوێل ماکرۆن دەکات.

ببینە و ببیستە: لە گرتەیەکی ڤیدیۆیی ئەحمەد شەرع، سەرۆککۆماری سووریا دوای ڕاگەیاندنی ڕێککەوتنە 14 خاڵییەکە لەگەڵ هەسەدە ڕایگەیاند، پێزانینمان هەیە بۆ ڕۆڵی دۆناڵد ترەمپ، سەرۆکی ئەمریکا، جەی دی ڤانس، جێگری سەرۆکی ئەمریکا، تۆم باراک، نێردەی ئەمریکا بۆ سووریا، سەرۆک بارزانی و ئیمانوێل ماکرۆن، سەرۆکی فەرەنسا، کە بۆ ئەم ڕێککەوتنە ڕۆڵێکی کاریگەریان هەبوو.

وتیشی، هەریەکە لە وڵاتانی تورکیا، ئوردن، سعوودیە، قەتەر و وڵاتانی عەرەبیش بەگشتی ڕۆڵیان هەبوو لە گەیشتن بەم ڕێککەوتنە و بەدرێژایی چەند ڕۆژی ڕابردوو لەگەڵمان لەسەر هێڵ بوون.