قەتەر پێشوازی لە ڕێککەوتنی سووریا و هەسەدە دەکات و بە هەنگاوێکی مێژوویی ناوی دەبات

ئاڤا نیوز

دەوڵەتی قەتەر پێشوازی لە ڕێککەوتنی ئاگربەست و یەکگرتنی تەواوەتی نێوان حکومەتی سووریا و هێزەکانی سووریای دیموکرات (هەسەدە) دەکات و جەخت لە گرنگی یەکخستنی سوپای سووریا دەکاتەوە.

ڕاگەیێنراوی فەرمی: وەزارەتی دەرەوەی قەتەر لە ڕاگەیێنراوێکدا ڕایگەیاند: ئەم ڕێککەوتنە هەنگاوێکی گرنگە بەرەو چەسپاندنی ئاشتی ناوخۆیی، بەهێزکردنی ئاسایش و سەقامگیری و بونیادنانی دەوڵەتی دامەزراوەیی و یاسا لە سووریادا.

٠ دەستخۆشی لە هەوڵە کاریگەرەکانی  ئەمریکا دەکەین کە بووە هۆی هۆکاری ئەم ڕێککەوتنە.

٠ سەقامگیری و بوژانەوەی سووریا پێویستی بەوەیە چەک تەنیا لەدەستی دەوڵەت و لە چوارچێوەی یەک سوپادا بێت کە نوێنەرایەتی هەموو پێکهاتەکانی سووریا بکات، بە جۆرێک سەروەری و یەکپارچەیی خاکی وڵات بپارێزێت.

٠ بەردەوام دەبین لە پاڵپشتیکردنی یەکپارچەیی سووریا و خواستەکانی گەلی سووریا بۆ گەیشتن بە ئازادی، گەشەپێدان و خۆشگوزەرانی.