بۆ بەشداریکردن لە کۆڕبەندی داڤۆس مەسرور بارزانی گەیشتە سویسرا

ئاڤا نیوز

سەرۆکایەتی حکومەتی هەرێمی کوردستان بڵاوی کردەوە، سەرۆکوەزیران مەسرور بارزانی بۆ بەشداریکردن لە کۆڕبەندی داڤۆس، گەیشتووەتە سویسرا کە ڕۆژانی 19 - 23 ـی ئەم مانگە بەڕێوە دەچێت.

وێنە گەورەکە: کۆڕبەندی داڤۆس، گرنگترین کۆڕبەندی ئابووری جیهانییە. مەسرور بارزانی، سەرۆکوەزیرانی کوردستان، یەکێکە لە دیارترین سەرکردەکانی بەشدار لە کۆڕبەندەکە، لەپاڵ نزیکەی سێ هەزار سەرکردە و بەرپرسانی باڵای 130 وڵاتی جیهان بەشدارە، هەرێمی کوردستان، پێنجەم ساڵە بەشدارێكی كارای كۆڕبەندەكەیە و دەیەوێت لە گەشەسەندنی ئابووریی جیهان و ناوچەکە ئەزموون وەربگرێت و پەرە بە ئابووریەکەی بدات.

زانیاریی زیاتر: بڕیارە لە چوارچێوەی کۆڕبەندی داڤۆسدا؛ سەرۆکوەزیران مەسرور بارزانی زنجیرەیەک کۆبوونەوە و دیدار لەگەڵ سەرۆک و سەرکردە باڵاکان و خاوەنکارانی جیهانی بکات بە مەبەستی گفتوگۆکردن لەبارەی دوایین گۆڕانکاری و پێشهاتەکانی هەرێمی کوردستان و عێراق و ناوچەکە.

هەر لە کۆڕبەندەکە سەرۆکوەزیران مەسرور بارزانی باس لە چاکسازییەکانی حکومەتی هەرێمی کوردستان لە کەرتە جۆراوجۆرەکان بە ئامانجی بونیادنانی ژێرخانێکی ئابووریی بەهێز لە هەرێمی کوردستان دەکات.

ئەوەی پێویستە بیزانیت: کۆڕبەندی ئەمساڵ دۆناڵد ترەمپ، سەرۆکی ئەمریکا، سەرپەرشتی دەکات، بە ئامانجی چارەسەرکردنی گرفتە ئابوورییەکان و ڕەخساندنی ژینگەیەكی لەبار بۆ وەبەرهێنان لە سەرتاسەری جیهان بۆ خاوەنکاران و كۆمپانیاكان.