بەهۆی کێشەی تەکنیکی کێشە بۆ پێدانی کارەبا لەچەند پارێزگایەک دروست دەبێت

ئاڤا نیوز

وەزارەتی کارەبا ڕایگەیاند، بەهۆی دروستبوونی کێشەیەکی تەکنیکی لە هێلەکانی گواستنەوەی گازی سرووشتی بۆ وێستگەکانی کارەبا، لە پارێزگاکانی هەولێر، سلێمانی و دهۆک گرفتی پچڕانی کارەبا دروستبووە.

ڕاگەیێنراوی فەرمی: لە ڕاگەیێنراوێکدا وەزارەتی کارەبا دەڵێت، بەهۆی کێشەیەکی تەکنیکی لە هێڵەکانی گواستنەوەی گازی سرووشتی بۆ وێستگەکانی کارەبا، گرفتی پچڕانی کارەبا لە بەشێک لە پارێزگاکانی هەولێر و دهۆک و سلێمانی درووست بوو و بەشێوەکی کاتی کاریگەری لەسەر تۆڕی کارەبای نیشتیمانی دەبێت. تیمەکانی وەزارەتی کارەبا لە چەند کاتژمێری داهاتوو گرفتەکان چارەسەر دەکەن و دۆخی کارەبا ئاسایی دەبێتەوە.

ئەوەی پێویستە بیزانیت: لەم مانگە ئەمە سێیەم جارە گرفت بۆ تۆڕەکانی کارەبا دروست دەبێت، دوو جاری پێشوو لە ڕۆژانی 7 و 9 ئەم مانگە بوو بەهۆی هاتنی شەپۆلێکی بەهێزی باران گرفت بۆ پێدانی کارەبا دروست بوو، بەڵام دوای کەمتر لە 24 کاتژمێر دۆخی کارەبا ئاسایی بووەوە.