هەسەدە: نۆ شەڕڤانمان لەکاتی پاراستنی زیندانی ئەقتان شەهید بوون

ئاڤا نیوز

ناوەندی ڕاگەیاندنی هێزەکانی سووریای دیموکرات (هەسەدە) ڕایدەگەیێنێت، لە کاتی بەرپەرچدانەوەی هێرشی گرووپەکانی سەر بە سوپای عەرەبی سووریا بۆ سەر زیندانی "ئەقـتان" لە ڕەققە، 9 شەڕڤانیان شەهید بوون و 20ی دیکەش برینداربوون.

ڕاگەیێنراوی فەرمی: ناوەندی ڕاگەیاندنی هەسەدە لە ڕاگەیێنراوێکدا ئاشکرای دەکات، ماوەی 3 ڕۆژە داوایان لە هاوپەیمانی نێودەوڵەتی کردووە بۆ گواستنەوەی چەکدارانی داعش لەو زیندانەوە بۆ شوێنێکی ئارام، بەڵام هاوپەیمانان تا ئێستا هیچ هەنگاوێکی جدییان نەناوە.

٠ هەسەدە جەخت دەکاتەوە کە شەڕ لە دەوروبەری زیندانەکە بە تووندی بەردەوامە و شەڕڤانان لە بارودۆخێکی ئەمنیی زۆر مەترسیداردا ئەرکی پاراستنی زیندانییەکانیان گرتووەتە ئەستۆ تاوەکو ڕێگری لە هەر پشێوییەک بگرن.

زانیاریی زیاتر: ئەم پەرەسەندنە دوای ئەوە دێت کە پێشتر هەسەدە کۆنتڕۆڵی زیندانی شەدادیی لەدەستدابوو، ئێستاش هۆشداری دەدات کە سستیی هاوپەیمانان لە هاوکاریکردن، مەترسییەکی گەورە بۆ سەر ئاسایشی ناوچەکە و جیهان دروست دەکات ئەگەر تیرۆریستان دەرفەتی هەڵاتنیان بۆ بڕەخسێت.

نوێ دەکرێتەوە...