دۆناڵد ترەمپ بۆ ئەحمەد شەرع: دەبێت مافی کورد لە سووریا پارێزراو بێت

ئاڤا نیوز

ئەحمەد شەرع، سەرۆکی سووریا و دۆناڵد ترەمپ، سەرۆکی ئەمریکا، لە پەیوەندییەکی تەلەفۆنییدا تاوتوێی داهاتووی سووریا، پاراستنی سەروەریی وڵاتەکە و زامنکردنی مافی کوردانیان کرد.

لێدوانی فەرمی: سەرۆکایەتیی سووریا ڕایگەیاند: "هەردوولا جەختیان لە پێویستیی پاراستنی سەروەریی و یەکپارچەیی خاکی سووریا کردەوە و لە تەوەرێکی دیکەی گفتوگۆکەشدا، جەخت لە زامنکردنی مافەکان و پاراستنی کورد لە چوارچێوەی سووریایەکی یەکگرتوودا کرایەوە".

زانیاریی زیاتر: هەر لە پەیوەندییە تەلەفۆنییەکەی شەرع و ترەمپ هەردوولا ڕێککەوتوون لەسەر بەردەوامبوونی هەماهەنگییە سەربازیی و ئەمنییەکان بۆ لەناوبردنی تەواوەتیی پاشماوەکانی داعش.

ئەوەی پێویستە بیزانیت: ئەمە یەکەمجارە لە مێژووی سووریای نوێدا، سەرۆکی ئەمریکا و سووریا بەم شێوەیە ڕاستەوخۆ لەسەر دۆسیەی کورد و داهاتووی وڵاتەکە گفتوگۆ بکەن.