لە ئامێدی پشووی فەرمی ڕاگەیێنرا

ئاڤا نیوز 

 

پارێزگاری دهۆک، ئاشکرایکرد، سبەی سێشەممە، لە سەرجەم قوتابخانەکانی سنووری قەزای ئامێدی کرایە پشووی فەرمی، ئەوەش بەهۆی ناجێگیریی کەشوهەوا ئەگەری دروستبوونی ئاستەنگی هاتوچۆ.

 

وێنە گەورەکە: بەهۆی ناجێگیریی کەشوهەوا و دابەزینی پلەکانی گەرما و بارینی بەفر لە زۆربەی ناوچەکانی هەرێمی کوردستان، بەیانی سێشەممە لە چەند ناوچەیەکی هەرێمی کوردستان پشووی فەرمی ڕاگەیێنرا، ئەوەش لە پێناو سەلامەتی قوتابیان و دوورخستنەوەی مەترسی لەسەر تەندروستییان.

 

ڕاگەیێنراوی فەرمی: پارێزگای دهۆک، ڕاگەیێنراوێکی بڵاوکردەوە و تێیدا هاتووە، بە بڕیاری د. عەلی تەتەر، پارێزگاری دهۆک سبەی سێشەممە 20-1-2026، لەسەرجەم قوتابخانەکانی سنووری قەزای ئامێدی پشووی فەرمی دەبێت.

 

لە ڕاگەیێنراوەکە ئاماژە بەوە کراوە، ئەو بڕیارە لەبەر ڕەوشی کەشوهەوا و نزمبوونەوەی پلەکانی گەرمی، هەروەها دروستبوونی بەستەڵەک و بەردەوام بەفربارین دراوە، ئەوەش لە پێناو سەلامەتی گیانی قوتابیان و مامۆستایانە.

 

باکگراوند: هەرێمی کوردستان لە چەند ڕۆژی ڕابردوودا کەوتووەتە ژێر کاریگەریی نزمەپاڵەپەستۆیەکی جەمسەریی، کە لە هەندێک ناوچەی شاخاوی وەک حاجی ئۆمەران و پێنجوێن پلەکانی گەرما بۆ 16 پلەی ژێر سفر دابەزیوە و بەفرێکی زۆر باریوە.