سەرکردەیەکی داعش لە موسڵ دەستگیر کرا دوای هەڵاتنی لە سووریا

ئاڤا نیوز

دەستەی حەشدی شەعبی سەرکردەیەکی مەترسیداری داعشی لە بیابانی نەینەوا دەستگیر کرد کە لە سووریاوە دزەی کردبووە ناو خاکی عێراق.

لێدوانی فەرمی: دەستەی حەشدی شەعبی لە ڕاگەیێنراوێکدا ئاشکرای کرد: "لە ئۆپەراسیۆنێکی جۆریی ئەمنیی و هەواڵگرییدا مەترسیدارترین سەرکردەی ڕێکخراوی داعش دەستگیر کراوە کە لە خاکی سووریاوە دزەی کردبووە ناو بیابانی مووسڵ و سەرپەرشتیی مەفرەزەکان و پلاندانانی ئۆپەراسیۆنە تێرۆریستییەکانی لە هەردوو وڵاتدا دەکرد".

زانیاریی زیاتر: بەپێی زانیارییە سەرەتاییەکان، ئەم سەرکردەیەی داعش دوای ئاڵۆزییەکانی ئەم دواییەی سووریا و لەدەستدانی کۆنتڕۆڵی هەندێک زیندان، توانیویەتی لە سنوور دزە بکاتە ناو بیابانی مووسڵ بە مەبەستی ڕێکخستنی جموجۆڵی شانە نووستووەکان و بەڕێوەبردنی ئۆپەراسیۆنی نوێ

ئەوەی پێویستە بیزانیت: لە چەند ڕۆژی ڕابردوودا، بەهۆی هێرشەکانی سوپای سووریا بۆ سەر زیندانەکانی ژێر دەسەڵاتی هەسەدە، کۆنتڕۆڵی چەند زیندانێکی گرنگ وەک زیندانی شەدادی لە حەسەکە لەدەستدراوە، کە نزیکەی 5,000 چەکداری داعشی تێدایە؛ هەروەها زیندانی قەتتان لە ڕەققەش کەوتووەتە بەر هێرش، کە ئەمەش وایکردووە مەترسیی هەڵاتنی بەکۆمەڵی تێرۆریستان و دزەکردنیان بۆ ناو خاکی عێراق بەدی بهێنرێت.