خاوەنی قەیوان گرووپ: لە هەنگاوەکانی داهاتوو سوود لە دیدار و کۆبوونەوەکانی داڤۆس وەردەگرین

ئاڤا نیوز

شێخ فاخیر تەیب، خاوەنی قەیوان گرووپ، بەشداریی لە کۆڕبەندی داڤۆس دەکات و جەخت لە گرنگیی بەکارهێنانی ئەزموونە جیهانییەکان دەکات بۆ گەشەپێدانی پڕۆژە ئابوورییەکانی هەرێمی کوردستان.

لێدوانی فەرمی: شێخ فاخیر تەیب، خاوەنی قەیوان گرووپ بە ئاڤای ڕاگەیاند: "کۆڕبەندی داڤۆس گەورەترین ڕووداوی ئابووریی ساڵە؛ ئێمە سوود لەو دیدار و کۆبوونەوانە وەردەگرین بۆ دانانی پلان و داهاتووی کار و پڕۆژەکانمان، بەتایبەتی لە بابەتە ژینگەییەکان، وزەی سەوز و ژیریی دەستکرد."

زانیاریی زیاتر: قەیوان گرووپ بۆ سێیەم ساڵی لەسەریەک بەشداریی لەم کۆڕبەندە جیهانییەدا دەکات، کە تێیدا جەخت لەسەر بابەتە هەستیارەکانی وەک وزە نوێبووەکان، جوگرافیای سیاسیی و بابەتاکانی گۆڕانی کەشوهەوا دەکرێتەوە. ئەمساڵ 20 وەبەرهێنەری دیاری هەرێمی کوردستان یاوەریی شاندی حکومەتی هەرێمی کوردستان دەکەن و لە "ماڵی کوردستان" لە داڤۆس زنجیرەیەک دیداری گرنگ لەگەڵ وەبەرهێنەرانی وڵاتانی دیکە ئەنجام دەدەن.

٠ ئەم کۆبوونەوانە دەرفەتێکی باشن بۆ گۆڕینەوەی ئەزموون و دروستکردنی هاوبەشیی ئابووریی، کە لە هەنگاوەکانی داهاتوودا قەیوان گرووپ وەک نەخشەڕێگەیەک بۆ پەرەپێدانی پڕۆژە ستراتیژییەکانی لە بوارە جیاوازەکاندا سوودییان لێ دەبینێت.

ئەوەی پێویستە بیزانیت: داڤۆس دەرفەتێکە بۆ وەبەرهێنەران تاوەکو لە نزیکەوە ئاشنای نوێترین گۆڕانکارییەکانی بازاڕی وزە و تەکنەلۆژیا بن؛ بەشداریی کەرتی تایبەتی هەرێم لە تەنیشت حکومەت، هێزێکی زیاتر بە گوتاری ئابووریی کوردستان دەبەخشێت و ڕێگە بۆ ڕاکێشانی سەرمایەی دەرەکیی خۆش دەکات.

باکگراوند: کۆڕبەندی ئابووریی جیهان لە سویسرا گەورەترین ناوەندی کۆبوونەوەی سەرکردە و خاوەنکارەکانە؛ قەیوان گرووپ وەک یەکێک لە کۆمپانیا پێشەنگەکانی هەرێم، لە ساڵانی ڕابردوودا هەوڵیداوە لەرێگەی ئەم بەشدارییانەوە مۆدێلی کارکردنی خۆی بەپێی ستانداردە جیهانییەکان و وزە پاکەکان نوێ بکاتەوە.