کاڤین گرووپ وەبەرهێنەری بیانی دەهێنێتە هەرێمی کوردستان

ئاڤا نیوز

کۆمپانیای کاڤین گرووپ وەک بەشێک لە شاندی ئابووریی هەرێمی کوردستان لە داڤۆس، هەڵمەتێکی بۆ ڕاکێشانی سەرمایەی بیانی و ناساندنی پێشکەوتنەکانی کوردستان دەستپێکردووە.

لێدوانی فەرمی: زکری بەشیر، خاوەنی کۆمپانیای کاڤین گرووپ بە ئاڤای ڕاگەیاند: "ئامانجمانە لەرێگەی دیدارەکانەوە سەرنجی وەبەرهێنەرانی بیانی ڕابکێشین تاوەکو بێنە هەرێمی کوردستان وەبەرهێنان بکەن، چونکە ئەمساڵ دەرفەتی گەورەمان بۆ هاتووەتە پێش تاوەکو بیروڕا لەسەر پڕۆژەکان ئاڵوگۆڕ بکەین."

زانیاریی زیاتر: بۆ سێیەم ساڵی لەسەریەک "ماڵی کوردستان" لە داڤۆس کرایەوە و مەسرور بارزانی، سەرۆکوەزیرانی کوردستان خۆی پڕۆسەی کردنەوەکەی ئەنجامدا، کە تێیدا 20 وەبەرهێنەر و بازرگانی گەورەی هەرێم یاوەریی شاندی حکومەت دەکەن.

ئەوەی پێویستە بیزانیت: کاڤین گرووپ بۆ دووەم ساڵە بەشداریی لەم کۆڕبەندەدا دەکات و دەیەوێت سوود لەو زەمینە گەرموگوڕە وەربگرێت کە بەهۆی ئامادەیی 65 سەرۆک و سەرۆکوەزیرانی جیهان دروستبووە.