هێرشەکەی ئێران گەورەترین ئاستەنگی بۆ گەشتە ئاسمانییەکان دروست کردووە

ئاڤا نیوز

 

هێرشەکەی ئێران بەشێوەیەکی بەرچاو ئاستەنگی بۆ گەشتە ئاسمانییەکان دروستکردووە، گرووپەکانی چاودێری ئاسمان ئاماژە بەوە دەدەن لە دوای هێرشەکانی 11 سێپتەمبەری 2001 ئەوە یەکەمجارە گەشتی ئاسمانی لە جیهاندا بەمشێوەیە ڕووبەڕووی ئاستەنگی و کێشە ببێتەوە.

 

ئەوەی پێویستە بیزانیت: لە ماوەی دوو ڕۆژی ڕابردوودا زیاتر لە 12 کۆمپانیای فڕۆکەوانی وڵاتان بەهۆی هێرشەکانی ئێرانەوە گەشتەکانیان هەڵوەشاندووەتەوە یان ئاراستەکەیان گۆڕاوە، وەکو کۆمپانیاکانی کانتاس، لۆفتهانزا، یونایتد ئێیرلانز، ئیراندیا.

لێدوانی فەرمی: مارک زەی، دامەزرێنەری ئۆ بی ئێس گرووپ کە چاودێری گەشتی ئاسمانی و فڕۆکەخانەکان دەکەن دەڵێت: لە 2001 تاوەکو ئیستا ڕووبەڕووی ئاستەنگی وا نەبووینەتەوە، ئاسمانی وڵاتان بەمشێوەیە خێرایە دانەخراوە، ئەوەش پشێوی دروستکرد، ڕەنگە ئەو پشێویە تاوەکو چەند ڕۆژێکی دیکەش بەردەوام بێت.

گۆشەیەکی دیکە: ئاسمانی ئێران لەلایەن ئەو کۆمپانیا فڕۆکەوانیانەوە بەکاردێت گەشتی نێوان وڵاتانی ئاسیاو ئەورووپا ڕێکدەخەن، ئەگەر ئاسمانی ئێرانیش نەبێت تەنیا دوو جێگرەوەیان لەبەردەمە، ئاسمانی تورکیا، یان میسر و عەرەبستانی سعوودیە.