مەسرور بارزانی و بەرهەم ساڵح، کۆمیسیاری باڵای پەنابەران کۆبوونەوە

ئاڤا نیوز

 

سەرۆکوەزیران مەسرور بارزانی لە داڤۆس لەگەڵ د.بەرهەم ساڵح کۆمیسیاری باڵای نەتەوە یەکگرتووەکان بۆ کاروباری پەنابەران کۆبووەوە و جەختیان لە پێویستیی کۆتاییهێنان بە شەڕ و پاراستنی ئاشتیی و سەقامگیریی ناوچەکە کردەوە.

 

وێنە گەورەکە: سەرۆکوەزیران مەسرور بارزانی لە داڤۆس کۆبوونەوە و دیداری چڕی لەگەڵ سەرۆک و سەرکردەی وڵاتانی جیهان دەستپێکردووە. لەوچوارچێوەیەدا ئەمڕۆ لەگەڵ ماکسیم پرێڤۆ، جێگری سەرۆکوەزیران و وەزیری دەرەوەی بەلجیکا، ئیلهام عەلییێڤ، سەرۆککۆماری ئازەربایجان و سەرۆککۆماری ئەرمەنستان ڤاهاگن خاچاتوریان کۆبووەوە.

 

ئەوەی پێویستە بیزانیت: سەرۆکوەزیرانی کوردستان و کۆمیسیاری باڵای نەتەوە یەکگرتووەکان بۆ کاروباری پەنابەران باسیان لە پێکدادان و ڕووبەڕووبوونەوە سەربازییەکانی سووریا و کاریگەرییە نەرێنییەکانی لە سەر دۆخی پەنابەران و هەڕەشە و مەترسییەکانی تیرۆریستییەکانی داعش کردووە.

 

- هاوکات جەختیان لە پێویستیی کۆتاییهێنان بە شەڕ و پاراستنی ئاشتیی و سەقامگیریی ناوچەکە کردەوە