هەسەدە: سەرەڕای ئاگربەست تۆپبارانی چڕی سنووری حەسەکە دەستی پێ کردەوە

لەلایەکی دیکە؛ گرووپە چەکدارەکانی حکومەتی سووریا هێرشیان کردە سەر زیندانی ئەقتان لە باکووری ڕەققە، بە بەکارهێنانی پێنج فڕۆکەی خۆکوژ. دەنگی تەقەی چڕیش بە ئاراستەی زیندانەکە کە دەستبەسەرکراوانی داعشی تێدایە، دەبیسترێت."

 

میدای نزیک لە هەسەدە دەڵێت: لە هێرشەکەی سەر کەمپی هۆل چوار چەکداری سەر بە حکومەتی سووریا بە دەستی شەڕڤانانی هەسەدە کوژران.

 

-هاوکات ئەمڕۆ سێ ئەندامی هێزەکانی ئاسایشی ناوخۆ لە خاڵێکی پشکنین لە ناوچەی سەڕین لە باشووری کۆبانێ شەهید بوون.

 

- هێزەکانی هەسەدە ئێوارەی ئەمڕۆ دوای شەڕێکی سەخت و کوشتنی 22 چەکداری سەر بە حکومەتی سووریا لە شارۆچکەی تەل بەراک کشانەوە. تەل بەراک دەکەوێتە سەر ڕێگای حەسەکە و قامشلۆ، ناوچەیەکی تێکەڵاوە لەڕووی دانیشتووانەوە، بەڵام زۆربەی دانیشتووانەکەی عەرەبن.

 

-لە ڕەققە، زیندانی "ئەقـتان" کە مەترسیدارترین سەرکردەکانی داعشی تێدایە، لەلایەن سوپای سووریاوە گەمارۆ دراوە و ئاو و خۆراکیان لێ بڕدراوە. فەرهاد شامی، وتەبێژی هەسەدە دەڵێت دیمەشق بە تۆپبارانکردنی دەیەوێت زیندانییەکان هان بدات بۆ یاخیبوون تاوەکو زیندانەکە بشکێنن.