وتەبێژی یەپەگە: تا شەڕڤانێک بمێنێت بەرگری دەکەین و تەسلیم بوون لە فەرهەنگی ئێمە نییە

ئاڤا نیوز

 

وتەبێژی یەپەگە پەیامێک بۆ بەرپرسانی سووریا دەنێرێت و دەڵێت: بەهیچ شێوەیەک تەسلیم بوون لە فەرهەنگی ئێمەدا نییە و تا شەڕڤانێک بمنێت بەرخۆدان دەکەین و بەرگریی لە ڕۆژئاوای کوردستان دەکەین.

 

لێدوانی فەرمی: سیامەند عەلی، وتەبێژی یەپەگە بە ئاڤای ڕاگەیاند: سەرباری ئەوەی لە کاتژمێر 8ـی ئەمشەوەوە ئاگربەست ڕاگەیێنراوە بەڵام لە زرگان لە سنووری حەسەکە و ڕەققە شەڕ و ڕووبەڕووبوونەوە هەیە.

 

- لەبارەی دۆخی کۆبانێ، وتەبێژی یەکینەکانی پاراستنی گەل یەپەگە ڕایگەیاند: تا ئێستا لە هەندێک بەرەوە هێرشکراوەتە سەر کۆبانێ بەڵام تەواوی هێرشەکان تێکشکێنراون.

 

- گەلی ئێمە ئەمڕۆ بە ئەرکی خۆی هەڵسا. لە ئێستادا موئامەرەی گەورە لەسەر کورد هەیە، ئەگەر ئێمە وەک کورد بەرگریی نەکەین و وریا نەبین مەترسیی گەورە لەسەر کورد هەیە.

 

- پەیامی من بۆ گەلی کورد ئەوەیە کە گەلی ئێمە  بە غیرەتن و زوڵم قبووڵ ناکەن. باوەڕمان بە غیرەتی خەڵکی خۆمان هەیە و دەتوانین سەرکەوتن مسۆگەر بکەین. ئەرکی سەرشانی هەموو کوردێکە کە بەرگریی لە کوردستان بکات و داوایان لێدەکەین بێن بەرگریی لە شۆڕشی ڕۆژئاوا بکەن.

 

لەلایەکی دیکە: فەوزا یوسف هاوسەرۆکی یەپەگە دەڵێت، بەرپرسانی دیمەشق قسە و گوفتاریان یەک نییە و تەنیا دوای دوو خولەک ئاگربەستەکەیان شکاند.