هێرشی درۆنی و مووشەکی کرایە سەر پارتی ئازادیی کوردستان

ئاڤا نیوز

 

بەرەبەیانیی ئەمڕۆ لە سنووری ناحیەی دارەشەکرانی پارێزگای هەولێر هێرشکرایە سەر بارەگای پارتی ئازادیی کوردستان و پێشمەرگەیەک شەهید بوو.

 

ڕاگەیێنراوی فەرمی: پارتی ئازادیی کوردستان (PAK) لە ڕاگەیەنراوێکدا ئاماژەی بۆ ئەوە کرد: بەرەبەیانیی ئەمڕۆ 21-1-2026، بارەگایەکی سپای میللیی کوردستانی بۆ جاری چەندەم، بە موشەک و درۆن لەلایەن ئێرانەوە هێرشی کرایەسەر.

 

- بە داخی گرانەوە لەم پەلامارە ، مزەفەر محەممەدزادە، ناسراو بە نەبەز، ئەندامی پارتی ئازادیی کوردستان و ئەندامی یەکەی لۆجستیکی سپای میللیی کوردستان، گیانی بەخت کرد و چووە ڕیزی کاروانی شەهیدان.

 

- ئەگەرچی شەهید بوونی خەڵک و هەڤاڵانمان لە سەر شەقامەکانی نیشتمان و لەسەنگەری پڕ شکۆی پێشمەرگەدا، دڵتەزێن و کەسەرهێنە، بەڵام دوژمنی داگیرکەر دڵنیا دەکەین ڕۆڵەکانی کوردستان هەرگیز بە پەلامار و زەبروزەنگی ئەوان بەچۆکدا نایەن و رێگای ڕاماڵینی ئەوان و ئەستاندنی سەربەخۆیی پڕ ڕێبوارتر دەبێت.

 

لێدوانی فەرمی: ئەدیب خالیدیان، ئەندامی پەیوەندییەکانی پارتی ئازادی کوردستان، بە ئاڤا میدیای گوت: کاتژمێر 5:45ـی بەیانی هێرشکرایە سەر بارەگاکەمان، هەڤالێکمان شەهید بوو، هەڤاڵیکی دیکەمان بریندار بووە، ئەمە یەکەمجار نییە هێرش کراوەتەسەرمان  و ساڵی 2022یش ژمارەیەک هێرشمان کرایە سەر نۆ پێشمەرگەمان شەهید بوو ، ژمارەیەکی دیکەش بریندار بوون.