ترەمپ و ئەردۆغان لەبارەی ڕۆژئاوای کوردستان بە تەلەفۆن قسەیان کرد

ئاڤا نیوز

 

دۆناڵد ترەمپ و ڕەجەب تەیب ئەردۆغان لە پەیوەندییەکی تەلەفۆنیدا تاوتوێی دوایین پێشهاتەکانی سووریا و ڕۆژئاوای کوردستانیان کرد.

 

بڵاوکراوەی فەرمی: دامەزراوەی پەیوەندییەکانی سەرۆکایەتیی کۆماری تورکیا ڕایگەیاند لە میانی پەیوەندییە تەلەفۆنییەکەدا دۆناڵد ترەمپ، سەرۆکی ئەمریکا و ڕەجەب تەیب ئەردۆغان، سەرۆکی تورکیا لەبارەی پێشهاتەکانی ناوچەکە و جیهان دواون.

 

- ئەردۆغان ئاماژەی بەوە داوە تورکیا لە نزیکەوە چاودێریی دۆخی سووریا دەکات، لەگەڵ پاراستنی یەکڕیزی و یەکپارچەیی خاکی سووریادایە.

 

- لە پەیوەندییە تەلەفۆنییەکەدا هەروەها تاوتوێ بەرەنگاربوونەوەی ڕێکخراوی تیرۆریستی داعش و دۆخی زیندانییانی داعش لە زیندانەکانی سووریا کراوە و ئەردۆغان گوتوویەتی: سووریایەکی ئارام و داماڵراو لە "تیرۆر"، خزمەت بە سەقامگیریی ناوچەکە دەکات. 

 

- ئەردۆغان هەروەها سوپاسی ترەمپی کردووە بۆ بانگهێشتکردنی تورکیا بۆ بۆردی ئاشتیی ‌غەززە. 

 

بۆچوونی لایەنی بەرامبەر: لای خۆیشیەوە دۆناڵد ترەمپ ڕایگەیاند: پەیوەندییە تەلەفۆنییەکەی لەگەڵ ئەردۆغان "زۆر باش" بووە.