شاندێکی دەم پارتی و دەبەپە سەردانی ڕۆژئاوای کوردستان دەکەن

ئاڤا نیوز

 

تولای هاتیمئۆغوڵڵاری، هاوسەرۆکی گشتیی دەم پارتی و کەسکین بایندر، سەرۆکی گشتیی دەبەپە و ژمارەیەک پەرلەمانتار ئەمڕۆ سەردانی ڕۆژئاوای کوردستان دەکەن.

ڕاگەیێنراوی فەرمی: ناوەندی ڕاگەیاندنی دەم پارتی لە ڕاگەیەنراوێکدا سەرنجی خستووەتە سەر ئەوەی بڕیارە ئەمڕۆ چوارشەممە 21-1-2026 شاندەکە بێتە هەرێمی کوردستان و لێرەوە بچنە ناو خاکی ڕۆژئاوای کوردستان.

 

٠ ئەندامانی شاندەکە پێک هاتووە لە تولای هاتیمئۆغوڵڵاری، کەسکین بایندر و پەرلەمانتاران گولجان کاچماز ساییغیت و نوێنەرانی ژووری پارێزەران و ڕێکخراوەکانی کۆمەڵی مەدەنی. 

 

٠ لە میانی سەردانەکەدا شاندەکە لەگەڵ سەران و نوێنەرانی پارت و لایەنە سیاسییەکانی ناوچەکە کۆدەبنەوە. 

 

باکگراوند: ئەم سەردانە لە کاتێکدایە سوپای عەرەبیی سووریا چەند ڕۆژێکە دەستی کردووە بە هێرشێکی چڕ بۆ سەر ناوچەکانی ژێر دەسەڵاتی هەسەدە.

 

٠میدیاکانی نزیک لە حکوومەتی تورکیاش باسیان لەوە کردووە بە هاوهەنگی هەواڵگری و وەزارەتەکانی بەرگری و دەرەوەی تورکیا ئۆپەراسیۆنەکە بەڕێوە دەچێت و ئەردۆغان لە ورد و دروشتی ئۆپەراسیۆنەکە ئاگادار کراوەتەوە.